[ad_1]
ବାରଙ୍ଗ : ଭାଉଜକୁ ଆକ୍ରମଣ କରି ଦିଅର ଗିରଫ । ଏଭଳି ଘଟଣା ଚନ୍ଦକା ଅଞ୍ଚଳରେ ଦେଖିବାକୁ ମିଳିଛି । ଏକ ଜମି ବିବାଦକୁ କେନ୍ଦ୍ର କରି ଭାଉଜକୁ ଆକ୍ରମଣ କରି ଦିଅର ଶନିବାରଦିନ ଗିରଫ ହୋଇ କୋର୍ଟଚାଳଣ ହୋଇଛନ୍ତି।ଗିରଫ ଦିଅର ମଳିପଡାର ସରୋଜ ମହାକୁଡ଼କୁ(୩୪) ବୋଲି ସୂଚନା ମିଳିଛି ।
ପ୍ରକାଶଯେ,ସରୋଜଙ୍କ ଘରପାଖରେ ତାଙ୍କ ଭାଉଜ ଲତାମହାକୁଡ଼ ରହୁଛନ୍ତି।ଦିଅର ଭାଉଜଙ୍କ ମଧ୍ୟରେ ଏକ ଜମିବାଡିକୁ ନେଇ ଗତକିଛି ଦିନ ହେବ ବିବାଦ ଲାଗି ରହିଥିଲା। ଏହାକୁ କେନ୍ଦ୍ର କରି ଉଭୟ ପରିବାର ସଦସ୍ୟ ସର୍ବଦା ପରସ୍ପର ସହ ଝଗଡା କରିଆସୁଥିଲେ । ଗତ ତା ୧୯.୦୬.୨୦୨୩ ରିଖ ସକାଳ ସମୟରେ ହଠାତ ସରୋଜ ରାଗିଯାଇ ଏକ ଲୁହାରଡରେ ଭାଉଜଙ୍କୁ ଆକ୍ରମଣ କରିଥିଲେ । ଫଳରେ ତାଙ୍କ ଭାଉଜ ଗୁରୁତର ଆହତ ହେବା ସହ ତାଙ୍କର ଡାହାଣ ହାତର ଆଙ୍ଗୁଠି ସଂପୂର୍ଣ୍ଣ ନଷ୍ଟ ହୋଇଯାଇଥିଲା ବୋଲି ଲତା ଚନ୍ଦକା ଥାନାରେ କରିଥିବା ଅଭିଯୋଗରେ ଦର୍ଶାଇଥିଲେ । ଏନେଇ ପୋଲିସ ୨୦୭/୨୩କେଶନମ୍ବର ରେ ଏକ ମକଦମା ରୁଜୁକରି ମଳିପଡାର ସରୋଜ ମହାକୁଡ଼କୁ ଗିରଫ କରି ଶନିବାର ଦିନ କୋର୍ଟଚାଳଣ କରିଛି।
[ad_2]
