ଛତିଶଗଡ଼ ପ୍ରଚାର ପାଇଁ ଏଆଇସିସି ତାରକା ପ୍ରଚାରକ ତାଲିକାରେ ପିସିସି ସଭାପତି ଶରତ ପଟ୍ଟନାୟକଙ୍କ ସହ ଓଡିଶାରୁ ଆଉ ୨ ଜଣଙ୍କ ନାମ ପ୍ରକାଶ ପାଇଛି – Ibnodisha
[ad_1]
ଭୁବନେଶ୍ୱର-:-ଛତିଶଗଡ ରେ ହେବାକୁ ଥିବା ବିଧାନସଭା ନିର୍ବାଚନରେ ଏଆଇସିସି ପକ୍ଷରୁ ୪୦ ଜଣିଆ ତାରକା ପ୍ରଚାରକ ତାଲିକା ପ୍ରକାଶ ପାଇଛି।
ଉକ୍ତ ତାଲିକାରେ ଓଡିଶା ପିସିସି ସଭାପତି ଶ୍ରୀ ଶରତ ପଟ୍ଟନାୟକ ଙ୍କ ନାମ ପ୍ରକାଶ ପାଇଛି।
ସେହିଭଳି ବିହାର ରାଜ୍ୟର କଂଗ୍ରେସ ପ୍ରଭାରୀ ଶ୍ରୀ ଭକ୍ତ ଚରଣ ଦାଶ ଏବଂ ଏଆଇସିସି ସମ୍ପାଦକ ତଥା ଛତିଶଗଡ଼ କଂଗ୍ରେସ ସହ ପ୍ରଭାରୀ,ସାଂସଦ ଶ୍ରୀ ସପ୍ତଗିରି ଉଳାକାଙ୍କ ନାମ ମଧ୍ୟ ଉକ୍ତ ୪୦ ଜଣିଆ ତାରକା ପ୍ରଚାରକ ତାଲିକାରେ ପ୍ରକାଶ ପାଇଛି।
ପିସିସି ସଭାପତି ଶ୍ରୀଯୁକ୍ତ ପଟ୍ଟନାୟକ ତାଙ୍କ ପ୍ରତିକ୍ରିୟାରେ କହିଛନ୍ତି କି ଛତିଶଗଡ ରେ ପ୍ରଚାର କରିବା ପାଇଁ ତାଙ୍କୁ ଯେଉଁ ସୁଯୋଗ ମିଳିଛି ସେଥିପାଇଁ ଅଖିଳ ଭାରତ କଂଗ୍ରେସ କମିଟି ସଭାପତି ଶ୍ରୀ ମଲ୍ଲିକାର୍ଜୁନ ଖଡ଼ଗେ ଏବଂ ବରିଷ୍ଠ କଂଗ୍ରେସ ନେତା ସୋନିଆ ଗାନ୍ଧୀ ,ରାହୁଲ ଗାନ୍ଧୀ,କେ ସି ଭେନୁଗୋପାଲ ଙ୍କୁ ଧନ୍ୟବାଦ ଅର୍ପଣ କରିବା ସହ କୃତଜ୍ଞତା ଜଣାଇଛନ୍ତି।
ଏହି ଅବସରର ଛତିଶଗଡ଼ ରେ କଂଗ୍ରେସ ସରକାର ଗଠନ କରିବା ସହ ଅନ୍ୟ ଯେଉଁ ୪ ରାଜ୍ୟ ତେଲେଙ୍ଗାନା,ରାଜସ୍ଥାନ,ମିଜୋରାମଏବଂ ମଧ୍ୟପ୍ରଦେଶ ରେ ହେବାକୁ ଥିବା ବିଭାନସଭା ନିର୍ବାଚନରେ ମଧ୍ୟ ବିପୁଳ ସଂଖ୍ୟାରେ କଂଗ୍ରେସ ଜୟଲାଭ କରି ସରକାର ଗଠନ କରିବ ବୋଲି ପିସିସି ସଭାପତି ଶ୍ରୀ ଶରତ ପଟ୍ଟନାୟକ ଦୃଢୋକ୍ତି ପ୍ରକାଶ କରିଛନ୍ତି।
ଓଡିଶାରେ ମଧ୍ୟ ନିଶ୍ଚିତ ସରକାର ପରିବର୍ତ୍ତନ ହେବ ଏବଂ କଂଗ୍ରେସ ସରକାର ଗଠନ କରିବ ବୋଲି ସେ କହିଛନ୍ତି।୨୩ ବର୍ଷର କୁ ଶାସନ ବିରୁଦ୍ଧରେ ଜନସାଧାରଣ ମତଦାନ କରି କଂଗ୍ରେସ କୁ ଶାସନ କ୍ଷମତାକୁ ଆଣିବା ପାଇଁ ମନ ସ୍ଥିର କରି ସାରିଛନ୍ତି।ସମୟ ଆସିଲେ ଜନସାଧାରଣ ଉଚିତ ଜବାବ ଦେବେ ବୋଲି ଶ୍ରୀ ପଟ୍ଟନାୟକ କହିଛନ୍ତି।
[ad_2]
