[ad_1]
ବ୍ୟୁରୋ: ପଶ୍ଚିମ ଏସିଆରେ ଚାଲିଥିବା ବିବାଦ ତଥା ସାଧାରଣ ନାଗରିକଙ୍କୁ ମାନବିକ ସହାୟତା ପ୍ରସଙ୍ଗରେ କୂଟନୈତିକ ପ୍ରୟାସ ମଧ୍ୟରେ ଗତକାଲି ଆତଙ୍କବାଦୀ ସଂଗଠନ ହମାସ ଦୁଇ ଜଣ ଆମେରିକୀୟ ବନ୍ଧକଙ୍କୁ ମୁକ୍ତ କରିଛି । ଅକ୍ଟୋବର ୭ରେ ଦକ୍ଷିଣ ଇସ୍ରାଏଲ ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ବନ୍ଧକ ମା’ ଏବଂ ଝିଅକୁ ଅପହରଣ କରାଯାଇଥିଲା ।
ଇସ୍ରାଏଲର ଅଧିକାରୀ କହିଛନ୍ତି ଯେ ଉଭୟ ମହିଳାଙ୍କୁ ଇସ୍ରାଏଲର ସେନା କେନ୍ଦ୍ରକୁ ନିଆଯାଉଛି । ଆମେରିକା କହିଛି ଯେ ନିଜ ଦେଶର ଏକ ଦଳ ଉଭୟ ମହିଳାଙ୍କୁ ଭେଟିବାକୁ ଯାଉଛନ୍ତି । ଏହି କାର୍ଯ୍ୟରେ ସାହାଯ୍ୟ କରିଥିବାରୁ ଆମେରିକା ରାଷ୍ଟ୍ରପତି ଜୋ ବାଇଡେନ କତାର ଏବଂ ଇସ୍ରାଏଲର ସହଯୋଗକୁ ଧନ୍ୟବାଦ ଦେଇଛନ୍ତି । ଅନ୍ୟ ଦୁଇ ଶହ ବନ୍ଧକଙ୍କୁ ମୁକ୍ତ କରିବାକୁ ଉଦ୍ୟମ ଜାରି ରଖିବାକୁ ଇସ୍ରାଏଲ୍ ଏବଂ ଆମେରିକାର ଅଧିକାରୀମାନେ ପ୍ରତିଶୃତି ଦେଇଛନ୍ତି । ଏହି ବନ୍ଧକମାନେ ପ୍ରାୟ ଚାଳିଶଟି ଦେଶରୁ ଆସିଛନ୍ତି ଯେଉଁମାନଙ୍କୁ ଅପହରଣ କରାଯାଇଛି । ତେବେ କତାର ସରକାରଙ୍କ ସହ ହୋଇଥିବା ଚୁକ୍ତିନାମା ଅନୁଯାୟୀ ବନ୍ଧକମାନଙ୍କୁ ମୁକ୍ତ କରାଯାଇଥିବା ହମାସ କହିଛି । ଅନ୍ୟ ବନ୍ଧକମାନଙ୍କର ସମ୍ପର୍କୀୟମାନେ ଅବଶିଷ୍ଟ ବନ୍ଧକମାନଙ୍କୁ ମୁକ୍ତ କରିବା ପାଇଁ ନିବେଦନ କରିଛନ୍ତି ।
[ad_2]
