[ad_1]
ମୁମ୍ବାଇ : ଅଭିନେତା ଚଙ୍କି ପାଣ୍ଡେଙ୍କ ଝିଅ ଅନନ୍ୟା ପାଣ୍ଡେ ଏବେ ଖୁବ୍ ଚର୍ଚ୍ଚାରେ । ଦିନକୁ ଦିନ ତାଙ୍କର ଲୋକପ୍ରିୟତା ତଥା ପ୍ରଶଂସକଙ୍କ ସଂଖ୍ୟା ବଢ଼ିବାରେ ଲାଗିଛି । ଅନନ୍ୟା ବର୍ତ୍ତମାନ ପର୍ଯ୍ୟନ୍ତ ବହୁତ ବଡ଼ ବ୍ୟାନରର ଫିଲ୍ମରେ ଅଭିନୟ କରିବାକୁ ସୁଯୋଗ ପାଇ ନାହାନ୍ତି ସତ କିନ୍ତୁ ଯେଉଁ ଫିଲ୍ମ ବି ପାଇଛନ୍ତି, ଭଲ ଅଭିନୟ କରି ଲୋକଙ୍କ ଦୃଷ୍ଟି ଆକର୍ଷଣ କରିବାରେ ସକ୍ଷମ ହୋଇଛନ୍ତି । ଅନନ୍ୟାଙ୍କ ଲୋକପ୍ରିୟତାର ବଡ଼ କାରଣ ହେଉଛି ସୋସିଆଲ୍ ମିଡିଆ । ସେ ସୋସିଆଲ୍ ମିଡିଆରେ ବହୁତ ସକ୍ରିୟ । ତାଙ୍କର ପ୍ରଶଂସକଙ୍କର ସଂଖ୍ୟା ସେଠାରେ ଖୁବ୍ ଅଧିକ ।ନିକଟରେ ଏକ ପ୍ରସିଦ୍ଧ ଫିଲ୍ମ ପତ୍ରିକାଦ୍ୱାରା କରା ଯାଇଥିବା ସର୍ବେକ୍ଷଣରେ ଅନନ୍ୟାଙ୍କୁ ‘ସବୁଠୁ ଲୋକପ୍ରିୟ ବଲିଉଡ୍ ଅଭିନେତ୍ରୀ’ଙ୍କ ତାଲିକାର ନବମରେ ରଖା ଯାଇଛି । ଇଏ ଗୋଟିଏ ଛୋଟ ସଫଳତା ନୁହେଁ । କାରଣ ସେ ତାଲିକାର ପ୍ରଥମ ଦଶ ଜଣଙ୍କ ଭିତରେ ଅନନ୍ୟାଙ୍କ ପିଢ଼ିର ଅନ୍ୟ କୌଣସି ଅଭିନେତ୍ରୀ ସ୍ଥାନ ପାଇ ନାହାନ୍ତି । ବଲିଉଡ୍ ଷ୍ଟାର ଅକ୍ଷୟ କୁମାରଙ୍କ ସହିତ ଅନନ୍ୟା ପାଣ୍ଡେ ତାଙ୍କର ପରବର୍ତ୍ତୀ ଚଳଚ୍ଚିତ୍ର ପାଇଁ କାମ କରୁଛନ୍ତି । ଏହି ଫିଲ୍ମର ସୁଟିଂ ଦିଲ୍ଲୀ, ହରିୟାଣା ଓ ଉତ୍ତର ଭାରତର କିଛି ସ୍ଥାନରେ କରାଯାଇଛି । କିରଣ ସିଂହ ତ୍ୟାଗୀଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ବିଶିଷ୍ଟ ଆଇଜୀବୀ ସି ଶଙ୍କରନ ନାୟାର ବାୟୋପିକ୍- ଅନଟୋଲ୍ଡ ଷ୍ଟୋରି ଅଫ୍ ଶଙ୍କରନ ନାୟାର । ଏଥିରେ ଅକ୍ଷୟ କୁମାରଙ୍କ ସହ ଅନନ୍ୟାଙ୍କୁ ଦେଖିବାକୁ ମିଳିବ । ଏହି ଫିଲ୍ମକୁ କରନ ଜୋହର ପ୍ରଯୋଜନା କରୁଥିବା ବେଳେ ଏଥିରେ ଆର୍ ମାଧବନ୍ ମଧ୍ୟ ଅଭିନୟ କରୁଛନ୍ତି ।
[ad_2]
