[ad_1]
ଭୁବନେଶ୍ୱର: ଖୋ ଖୋରେ ହାଇ ପରଫରମାନ୍ସ ସେଣ୍ଟର (ଏଚ୍ପିସି) ପ୍ରତିଷ୍ଠା ପାଇଁ ଆର୍ସେଲର ମିତ୍ତଲ ନିପ୍ପନ ଷ୍ଟିଲ୍ (ଏଏମ୍ଏନ୍ଏସ୍ ଇଣ୍ଡିଆ) ସହିତ ଓଡ଼ିଶା ବୁଝାମଣାପତ୍ର (ଏମ୍ଓୟୁ) ସ୍ୱାକ୍ଷର କରିଛି । ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି, ଖୋ ଖୋ ଭଳି ଆମର ସ୍ୱଦେଶୀ କ୍ରୀଡ଼ାକୁ ସମର୍ଥନ କରିବାକୁ ଚାହୁଁଛୁ । ଖୋ ଖୋ ଏଚ୍ପିସି ପ୍ରତିଷ୍ଠା ପାଇଁ ଏଏମ୍ଏନ୍ଏସ୍ ସହ ଏହି ଭାଗିଦାରୀ ଭାରତୀୟ କ୍ରୀଡ଼ା ପ୍ରତି ସମର୍ଥନ ପାଇଁ ଏକ ନୂତନ ବେଞ୍ଚ ମାର୍କ ସ୍ଥାପନ କରିବ ।
୫-ଟି ଓ ନବୀନ ଓଡ଼ିଶା ଅଧ୍ୟକ୍ଷ ଭିକେ ପାଣ୍ଡିଆନ୍ଙ୍କ ସହ କ୍ରୀଡା ଓ ଯୁବସେବା ମନ୍ତ୍ରୀ ତୁଷାରକାନ୍ତି ବେହେରା ଏବଂ ସଚିବ ଭିନୀଲ କ୍ରିଷ୍ଣା ପ୍ରତିନିଧିତ୍ୱ କରିଥିବା ବେଳେ ଏଏମ୍ଏନ୍ଏସ୍ ପକ୍ଷରୁ କେଜି କୁବୋଟା ଏବଂ ସୁଶ୍ରୀ ସୁପର୍ଣା ନନ୍ଦ ପ୍ରତିନିଧିତ୍ୱ କରିଥିଲେ । ଏହି ଚୁକ୍ତି ଅନୁୟାୟୀ, ଓଡ଼ିଶା ଭିତ୍ତିଭୂମି ସହାୟତା ପ୍ରଦାନ କରିବ ଏବଂ ଏଏମ୍ଏନ୍ଏସ୍ ଇଣ୍ଡିଆ ରାଜ୍ୟରେ ଖୋ ଖୋ ସ୍ତରକୁ ଉନ୍ନତ କରିବା ପାଇଁ ଅଭିଜ୍ଞ ଏବଂ ଉତ୍ସର୍ଗୀକୃତ କୋଚ୍ ପ୍ରଦାନ କରିବ ।
[ad_2]
