[ad_1]
ନୂଆଦିଲ୍ଲୀ : ଜଣାଶୁଣା ଅଭିନେତ୍ରୀ ରଶ୍ମିକା ମନ୍ଦାନା ଓ କାଜୋଲଙ୍କ ‘ଡିପ୍ଫେକ୍’ ବିବାଦକୁ ନେଇ ସାରା ଦେଶରେ ଚହଳ ପଡ଼ିଥିବା ବେଳେ ଆଜି ଏନେଇ ଗୁରୁତ୍ୱପୂର୍ଣ୍ଣ ବୟାନ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ | ସେ କହିଛନ୍ତି ଯେ ଭାରତ ସାମ୍ନା କରୁଥିବା ବଡ ବଡ ବିପଦମାନଙ୍କ ମଧ୍ୟରୁ ଡିପ୍ଫେକ୍ ଅନ୍ୟତମ | ସେ କହିଛନ୍ତି ଯେ ଏହା ସମାଜରେ ଅରାଜକତା ସୃଷ୍ଟି କରିପାରେ। ମୋଦୀ ଅପିଲ କରିଛନ୍ତି ଯେ ଏବାବଦରେ ଲୋକ ନିଜେ ସଚେତନ ହେବା ସହ ସମାଜକୁ ଏ ବିଷୟରେ ଜାଗ୍ରତ କରାଇବା ଉଚିତ | ମୋଦୀ କହିଛନ୍ତି ଯେ ଏଆଇକୁ ଅପବ୍ୟବହାର କରି ଡିପ୍ଫେକ୍ କରାଯାଉଛି |ଆଉ ଉଭୟ ନାଗରିକ ତଥା ଗଣମାଧ୍ୟମ ଅତ୍ୟନ୍ତ ସତର୍କ ହେବା ଆବଶ୍ୟକ। ବାସ୍ତବରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI) ହେଉଛି ଏମିତି ଏକ ପ୍ରଯୁକ୍ତିବିଦ୍ୟା ଯାହା ବିଶ୍ୱ ପାଇଁ ଅପାର ସମ୍ଭାବନା ଆଣିଥାଏ, କିନ୍ତୁ ଏହାର ବିପଦ ଜାଣି ଆପଣ ଆଶ୍ଚର୍ଯ୍ୟ ହୋଇଯିବେ | ବଲିଉଡ ତାରକାଙ୍କ ଠାରୁ ଆରମ୍ଭ କରି ସରକାର ପର୍ଯ୍ୟନ୍ତ, ଡିପ୍ଫେକ୍କୁ ନେଇ ଚର୍ଚ୍ଚା ଜୋର ଧରିଛି | ବାସ୍ତବରେ ରଶ୍ମିକାଙ୍କ ଡିପ୍ଫେକ୍ ଭିଡିଓରେ ଦେଖିବାକୁ ମିଳିଥିଲା ଯେ ଜଣେ ବ୍ରିଟିଶ-ଭାରତୀୟ ଇନଫ୍ୟୁଏନ୍ସର ଜାରା ପଟେଲ, କଳା ପୋଷାକ ପିନ୍ଧି ଲିଫ୍ଟରେ ପ୍ରବେଶ କରୁଛନ୍ତି। ତେବେ, ତାଙ୍କ ଚେହେରାକୁ ଅଭିନେତ୍ରୀ ରଶ୍ମିକା ମନ୍ଦାନାଙ୍କ ଭଳି ଦେଖାଯିବା ପାଇଁ ଉଦ୍ଦେଶ୍ୟମୂଳକ ଭାବେ ଏଡିଟ୍ କରାଯାଇଛି। ଏହି ଭିଡିଓ ଇଣ୍ଟରନେଟ୍ରେ ଅପ୍ଲୋଡ ହେବାପରେ ଏହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା | ଏହାକୁ ନେଇ ବିଗ ବି ଅମିତାଭ ବଚ୍ଚନ କହିଥିଲେ ଯେ ଏଭଳି କିଛି କେବଳ ମୋ ପାଇଁ ନୁହେଁ; ବରଂ ଆମ ସମସ୍ତଙ୍କ ପାଇଁ ଅତ୍ୟନ୍ତ ଭୟଙ୍କର |
[ad_2]
