[ad_1]
ମୁମ୍ବାଇ: ମୁମ୍ବାଇରେ ଲଜ୍ଜାଜନକ ଘଟଣା । କୋଲଡ୍ରିଙ୍କସ୍ରେ ନିଶା ମିଶାଇ ୧୯ ବର୍ଷୀୟା କଲେଜ ଛାତ୍ରୀଙ୍କୁ ଗଣଦୁଷ୍କର୍ମ ଅଭିଯୋଗ । ମାମଲାରେ ୨ ଅଭିଯୁକ୍ତ ଗିରଫ । ଗୋଟିଏ ବିଲ୍ଡିଂରେ ରହୁଥିଲେ ଉଭୟ ପୀଡିତା ଓ ଅଭିଯୁକ୍ତ । ପୀଡିତାଙ୍କ ଅଭିଯୋଗ ଆଧାରରେ ଉଭୟଙ୍କୁ ଗିରଫ କରାଯାଇଥିବା ବେଳେ ନଭେମ୍ବର ୨୦ ଯାଏ ପୋଲିସ ଅଭିଯୁକ୍ତମାନଙ୍କୁ ରିମାଣ୍ଡରେ ନେଇ ପଚରାଉଚରା କରୁଛି । ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ, ପୀଡିତା ଓ ଅଭିଯୁକ୍ତ ଅଜିତ କୁମାର ଯାଦବ ଉଭୟ ମୁମ୍ବାଇର ଚମ୍ବୁର ଅଞ୍ଚଳର ନିବାସୀ ଅଟନ୍ତି । ଅଭିଯୁକ୍ତ ଓ ପୀଡିତା ପଡୋଶୀ ଅଟନ୍ତି ।
୧୯ ବର୍ଷୀୟା କଲେଜ ଛାତ୍ରୀ ଜଣକ ଅଜିତ କୁମାର ଯାଦବ ଘରକୁ କିଛି ରୋଷେଇ ସାମଗ୍ରୀ ମାଗିବାକୁ ଆସିଥିଲେ । ସେହି ସମୟରେ ଅଜିତ କୁମାର ଯାଦବ ଓ ତାଙ୍କର ଜଣେ ସାଙ୍ଗଙ୍କ ବ୍ୟତୀତ ଘରେ କେହିନଥିଲେ । ତେବେ ଏହି ସମୟରେ ଛାତ୍ରୀ ଜଣଙ୍କୁ କୋଲଡ୍ରିଙ୍କସ୍ ଦେଇଥିଲେ ଅଜିତ । ତେବେ ଛାତ୍ରୀଙ୍କ ଅଜାଣତରେ ତାଙ୍କ ଥଣ୍ଡା ପାନୀୟରେ ନିଶା ଦ୍ରବ୍ୟ ମିଶାଇ ତାଙ୍କୁ ପିଇବାକୁ ଦେଇଥିଲେ ଅଜିତ । ଯାହାପରେ ଅଚେତ ଅବସ୍ଥାରେ ୨ ଜଣ ସାଙ୍ଗ ମିଶି ଛାତ୍ରୀ ଜଣଙ୍କୁ ଦୁଷ୍କର୍ମ କରିଥିଲେ । ଚେତା ଫେରିବା ପରେ ଛାତ୍ରୀ ଜଣକ ନିଜ ସ୍ବାସ୍ଥ୍ୟାବସ୍ଥାରେ ପରିବର୍ତ୍ତନ ଦେଖିବାକୁ ପାଇଥିଲେ । ଯାହାପରେ ଦୁଷ୍କର୍ମ ହୋଇଥିବା ନେଇ ସେ ଜାଣିବାକୁ ପାଇଥିଲେ । ଏନେଇ ସେ ନିଜ ପରିବାର ଲୋକଙ୍କୁ କହିବା ପରେ ପରିବାର ପକ୍ଷରୁ ଥାନାରେ ଅଭିଯୋଗ କରାଯାଇଥିଲା । ଅଭିଯୋଗ ଆଧାରରେ ପୋଲିସ ତଦନ୍ତ କରି ଅଭିଯୁକ୍ତଙ୍କୁ ଗିରଫ କରିଛି ।
[ad_2]
