[ad_1]
ନୂଆଦିଲ୍ଲୀ: ଦିଲ୍ଲୀ ଏନସିଆରରେ ପ୍ରଦୂଷଣ ମାମଲାରେ ସୁପ୍ରିମକୋର୍ଟ ପୁଣିଥରେ ପ୍ରଦୂଷଣ ହ୍ରାସ କରିବାର ଆବଶ୍ୟକତା ଦୋହରାଇଛନ୍ତି। ଯେଉଁମାନେ ନଡ଼ା ପୋଡି ଆଇନ ଉଲ୍ଲଂଘନ କରୁଛନ୍ତି ସେମାନଙ୍କୁ କାହିଁକି ଆର୍ଥିକ ସୁବିଧା ଦିଆଯିବ ବୋଲି କୋର୍ଟ ପ୍ରଶ୍ନ କରିଛନ୍ତି।
କୋର୍ଟ କହିଛନ୍ତି ସେମାନଙ୍କ ନାମରେ ମାମଲା ରୁଜୁ ସହ ଜରିମାନା ବ୍ୟତୀତ, ଏମଏସପି ମଧ୍ୟ ଦିଅନାହିଁ | ସୁପ୍ରିମକୋର୍ଟ କହିଛନ୍ତି ଯେ ପୂର୍ବରୁ ଦିଲ୍ଲୀ ସରକାରଙ୍କ କହୁଥିଲେ ଯେ ପ୍ରଦୂଷଣ ପାଇଁ ପଞ୍ଜାବ ହିଁ ଦାୟୀ | ଏବେ ଦିଲ୍ଲୀ ସରକାର କହୁଛନ୍ତି ଯେ ପଞ୍ଜାବ ଦାୟୀ ନୁହେଁ | ଏହାକୁ ନେଇ ରାଜନୀତି ନ କରାଯାଉ | ପଞ୍ଜାବ ସରକାର କହିଛନ୍ତି ଯେ ସରକାର ଦେଇଥିବା ମେସିନରେ ୮୦ ପ୍ରତିଶତ ସବସିଡି ଦିଆଯାଉଛି।ଅନ୍ୟ ଫସଲ ଉପରେ ମଧ୍ୟ ସବସିଡି ଦେବାର ଆବଶ୍ୟକତା ରହିଛି ବୋଲି ପଞ୍ଜାବ ସରକାର କହିଛନ୍ତି।
ପଞ୍ଜାବ ସରକାର କହିଛନ୍ତି ଯେ ଯେଉଁମାନେ ନଡା ପୋଡିଛନ୍ତି, ସେମାନଙ୍କ ବିରୋଧରେ ପ୍ରାୟ ୧୦୦ଟି ମାମଲା ପଞ୍ଜୀକୃତ କରିଛନ୍ତି ଏବଂ ୨ କୋଟି ଟଙ୍କା ଜରିମାନା ମଧ୍ୟ ସଂଗ୍ରହ କରିଛନ୍ତି ସେମାନଙ୍କ ବିରୋଧରେ ଆମେ କାର୍ଯ୍ୟାନୁଷ୍ଠାନ ଗ୍ରହଣ କରିଛୁ। ଏହାକୁ ନେଇ ସୁପ୍ରିମକୋର୍ଟର ବିଚାରପତି ଜଷ୍ଟିସ ଏସ କୌଲ କହିଛନ୍ତି ଯେ କାହିଁକି ଅତିରିକ୍ତ ଜରିମାନା ଆଦାୟ କରୁନାହାଁନ୍ତି, ଯେପରିକି ଏମଏସପି ସୁବିଧା ପାଉଥିବା ଲୋକମାନଙ୍କୁ ଏଥିରୁ ବଂଚିତ କରାଯାଉ |
[ad_2]
