[ad_1]
ଦୌସା: ରାଜସ୍ଥାନର ଦୌସା ଜିଲ୍ଲାରେ କଲେଜକୁ ଯାଉଥିବା ୨ଜଣ ଝିଅଙ୍କୁ ଦିନ ଦିପହରେ ୩ଜଣ ଅଜ୍ଞାତ ବାଇକ୍ ଆରୋହୀ ଯୁବକ ଆକ୍ରମଣ କରି ଜଣେ ଝିଅର ମଣି ବନ୍ଧ (ହାତ ଗଣ୍ଠିରେ ଥିବା ଗ୍ରନ୍ଥି) କାଟି ପକାଇ ଥିବା କଥା ପୁଲିସ କହିଛି। ଏହି ଘଟଣାର ଦୃଶ୍ୟ ସେ ସ୍ଥାନରେ ଲାଗିଥିବା ‘ସିସିଟିଭି’ରେ ଉତ୍ତୋଳିତ ହୋଇଯାଇଛି। କିନ୍ତୁ, ଏପର୍ଯ୍ୟନ୍ତ କୌଣସି ସନ୍ଦିଗ୍ଧଙ୍କୁ ଚିହ୍ନଟ କିଂବା ଗିରଫ କରାଯାଇ ନ ଥିବା କଥା ପୁଲିସ କହିଛି। ଆକ୍ରମଣର ସରବ୍ୟ ହୋଇଥିବା ଝିଅମାନେ ଯୁକ୍ତ ୩ ବିଜ୍ଞାନ ଛାତ୍ରୀ। ଝିଅମାନଙ୍କ ମଧ୍ୟରୁ ଜଣେ କହିଛି ଯେ, ୩ ଅଭିଯୁକ୍ତ ଗତ ୪ ଦିନ ହେବ ତାଙ୍କୁ ହଇରାଣ କରିଆସୁଥିଲେ। ଡିସେମ୍ବର ୧୧ ତାରିଖ, ପ୍ରଥମ ଦିନ ସେମାନେ ତା’ ଦେହରେ ବାଇକ୍ ହ୍ୟାଣ୍ଡଲ୍ ବଜାଇ ଦେଲେ। ତା’ପର ଦିନ ସେମାନେ ସେ ଝିଅର ବାନ୍ଧବୀ ହାତକୁ କାଟି କ୍ଷତାକ୍ତ କରିପକାଇଲେ। ପୁଣି ଚତୁର୍ଥ ଦିନ ସେମାନେ ‘ବ୍ଲେଡ୍’ରେ ବାନ୍ଧବୀର ବେକ ଓ ହାତ କାଟିବାକୁ ଉଦ୍ୟମ କଲେ। ତିନିହେଁ, ଦିନେ ବଜାଜ୍ ପଲ୍ସର୍ ବାଇକ୍ ଚଢ଼ି ଆସିଥିଲେ। ତା’ପର ଦିନ ହିରୋହୁଣ୍ଡା ବାଇକ୍ ଚଳାଇ ଆସିଥିଲେ ବୋଲି ଝିଅଟି କହିଛି। ଦୁର୍ବୃତ୍ତଙ୍କ ଆକ୍ରମଣର ସରବ୍ୟ ହୋଇଥିବା ଝିଅ ଦୁହେଁ ଥାନାକୁ ଯାଇ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଛି।
[ad_2]
