[ad_1]
କରାଚି: ଆସନ୍ତା ମାସରେ ନ୍ୟୁଜିଲାଣ୍ଡ୍ରେ ଖେଳାଯିବାକୁ ଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ପାଇଁ ମଙ୍ଗଳବାର ଶାହିନ୍ ଶାହ ଆଫ୍ରିଦିଙ୍କ ନେତୃତ୍ୱରେ ୧୭ ଜଣିଆ ପାକିସ୍ତାନ ଟିମ୍ ଘୋଷଣା ହୋଇଛି । ଚୟନକର୍ତ୍ତା ଟିମ୍ରେ ତିନିଜଣ ନୂଆ ଖେଳାଳିଙ୍କୁ ସାମିଲ କରିଛନ୍ତି । ସେମାନେ ହେଲେ ଅନ୍କ୍ୟାପ୍ଡ ୱିକେଟ୍କିପର୍ ବ୍ୟାଟର୍ ହସିବୁଲ୍ଲାହ, ପେସ୍ ଅଲ୍ରାଉଣ୍ଡର୍ ଆଽାସ୍ ଆଫ୍ରିଦା ଏବଂ ରହସ୍ୟମୟ ସ୍ପିନର୍ ଅବ୍ରାର୍ ଅହମଦ । ଟେଷ୍ଟ୍ କ୍ୟାପ୍ଟେନ୍ ଶାନ୍ ମସୁଦ୍ ଟିମ୍ରେ ସ୍ଥାନ ପାଇନଥିବା ବେଳେ ଆହତ ଅଲ୍ରାଉଣ୍ଡର୍ ସଦାବ୍ ଖାନ୍ଙ୍କ ସ୍ଥାନରେ ବ୍ୟାଟର୍ ଶାହବ୍ଜାଦା ଫରହାନ୍ ଏବଂ ଆଜମ୍ ଖାନ୍ଙ୍କ ପ୍ରତ୍ୟାବର୍ତ୍ତନ ଘଟିଛି । ୨୭ ବର୍ଷୀୟ ଫରହାନ୍ ଶେଷଥର ପାଇଁ ୨୦୧୮ରେ ଏବଂ ଆଜମ୍ ୨୦୨୩ରେ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ । ସେହିପରି ଅଲ୍ରାଉଣ୍ଡର୍ ଫହିମ୍ ଅଶ୍ରଫ୍ ଓ ୱିକେଟ୍କିପର୍ ବ୍ୟାଟର୍ ମହମ୍ମଦ ହାରିସ୍ଙ୍କୁ ବାଦ୍ ଦିଆଯାଇଛି । ପାକିସ୍ତାନ ମୁଖ୍ୟ ଚୟନକର୍ତ୍ତା ୱାହବ୍ ରିଆଜ୍ ଏହି ଟିମ୍ ଘୋଷଣା କରି କହିଛନ୍ତି, ବିଶେଷ ଅନ୍ତର୍ଜାତୀୟ ମ୍ୟାଚ୍ ଅନୁଭବ ନଥିବା ଯୁବ ଖେଳାଳି ସୈମ୍ଆୟୁବ୍, ହସିବୁଲ୍ଲାହ, ଜମାନ୍ ଖାନ୍, ଆଜମ୍ ଖାନ୍, ଅମରୀ ଜମାଲ୍ ଏବଂ ଆଽାସ୍ ଆଫ୍ରିଦିଙ୍କୁ ଆଗାମୀ ଟି-୨୦ ବିଶ୍ୱକପ୍ ପାଇଁ ପରୀକ୍ଷା ନିମନ୍ତେ ଟିମ୍ରେ ସାମିଲ କରାଯାଇଛି ।
ପାକିସ୍ତାନ ସ୍କ୍ୱାଡ୍: ଶାହିନ୍ ଶାହ ଆଫ୍ରିଦି (ଅଧିନାୟକ), ଅମୀର ଜମାଲ୍, ଆଽାସ୍ ଆଫ୍ରିଦି, ଅବ୍ରାର୍ ଅହମଦ, ଆଜମ୍ ଖାନ୍, ବାବର ଆଜମ୍, ଫଖର୍ ଜମାନ୍, ହାରିସ୍ ରଉଫ୍, ହସିବୁଲ୍ଲାହ, ଇଫ୍ତିଖାର ଅହମଦ, ମହମ୍ମ ନୱାଜ୍, ମହମ୍ମଦ ରିଜ୍ୱାନ୍, ମହମ୍ମଦ ୱାସିମ୍ ଜୁନିୟର୍, ଶାହବ୍ଜାଦା ଫରହାନ୍, ସୈମ୍ ଆୟୁବ୍, ଉସାମା ମୀର ଏବଂ ଜମାନ୍ ଖାନ୍ ।
[ad_2]
