[ad_1]
ନୂଆଦିଲ୍ଲୀ: ଇନ୍ଦ୍ରପ୍ରସ୍ଥ ଆପୋଲୋ ହସ୍ପିଟାଲର ବରିଷ୍ଠ ପଲମୋନୋଲୋଜିଷ୍ଟ ଡାକ୍ତର ନିଖିଲ ମୋଦୀଙ୍କ କହିବାନୁଯାୟୀ, ତାପମାତ୍ରା କମିବା ଦ୍ୱାରା ବାୟୁରେ ଆର୍ଦ୍ରତା ବୃଦ୍ଧି ପାଇଥାଏ, ପବନର ବେଗ କମ୍ ହୋଇଥାଏ ଏବଂ ପ୍ରଦୂଷଣ ବଢ଼ିଥାଏ, ଯାହା ସଂକ୍ରମଣ ବ୍ୟାପିବା ପାଇଁ ଅନୁକୂଳ ପରିବେଶ ସୃଷ୍ଟି କରିଥାଏ। କୁହୁଡ଼ି ଓ ପ୍ରଦୂଷଣ କାରଣରୁ କୁହୁଡି ସୃଷ୍ଟି ହେବା ପରିସ୍ଥିତିକୁ ଆହୁରି ଗମ୍ଭୀର କରିବା ସହ ଶ୍ୱାସକ୍ରିୟା ଜନିତ ସମସ୍ୟା ଓ ବିଭିନ୍ନ ପ୍ରକାର ସଂକ୍ରମଣ ସୃଷ୍ଟି କରିଥାଏ। କାଶ, ଥଣ୍ଡା, ଜ୍ୱର, ଶ୍ୱାସକ୍ରିୟାରେ ସମସ୍ୟା, ଅମ୍ଳଜାନ ସ୍ତର ହ୍ରାସ ଏବଂ ନିମୋନିଆ ଭଳି ଲକ୍ଷଣ ଥିବା ରୋଗୀଙ୍କ ସଂଖ୍ୟା ବୃଦ୍ଧି ପାଉଛି।ଶୀତ ଋତୁରେ ସଂକ୍ରମଣରୁ ରକ୍ଷା ପାଇବା ପାଇଁ ପ୍ରତିଷେଧକ ବ୍ୟବସ୍ଥା ଉପରେ ଗୁରୁତ୍ୱାରୋପ କରିଛନ୍ତି ଡାକ୍ତର ମୋଦୀ । ଯଥାସମ୍ଭବ ଘର ଭିତରେ ରହିବା, ଶରୀରକୁ ବିଶେଷ କରି ମୁଣ୍ଡ ଓ ଗୋଡ଼କୁ ଯଥେଷ୍ଟ ଭାବେ ଘୋଡ଼ାଇ ରଖିବା ଏବଂ ପୁଷ୍ଟିକର, ଗରମ ଖାଦ୍ୟ ଖାଇବା ନିହାତି ଜରୁରୀ। ସ୍ୱଚ୍ଛତା ବଜାୟ ରଖିବା ଏବଂ ବାହାରକୁ ଯିବା ସମୟରେ ମାସ୍କ ପିନ୍ଧିବା ମଧ୍ୟ ଜରୁରୀ ବୋଲି ସେ କହିଛନ୍ତି। କୋଭିଡ୍-୧୯ ଫେରିବାରୁ କାଶ, ଥଣ୍ଡା, ଜ୍ୱର, ଦେହଯନ୍ତ୍ରଣା, ପତଳା ଝାଡା, ଗଳା ଶୁଖିଯିବା ଏବଂ ମୁଣ୍ଡବିନ୍ଧା ଭଳି ଲକ୍ଷଣକୁ ଅଣ ଦେଖା ନକରିବାକୁ ଡାକ୍ତର ମୋଦୀ ଲୋକମାନଙ୍କୁ ଅନୁରୋଧ କରିଛନ୍ତି। ତୁରନ୍ତ ଚିକିତ୍ସା ସୁନିଶ୍ଚିତ କରିବା ପାଇଁ କେବଳ କୋଭିଡ୍ -୧୯ ନୁହେଁ, ଅନ୍ୟ ଭୂତାଣୁ ସଂକ୍ରମଣର ପରୀକ୍ଷା ମଧ୍ୟ ଜରୁରୀ ବୋଲି ସେ କହିଛନ୍ତି।
The post ପାଣିପାଗର ପରିବର୍ତ୍ତନ ପାଇଁ ବଢୁଛି କୋଭିଡ୍ ଆକ୍ରାନ୍ତଙ୍କ ସଂଖ୍ୟା appeared first on ONA KHABAR.
[ad_2]
