ଗଞ୍ଜେଇ ଜବତ ଏବଂ ଚାଷକୁ ଆଇନଗତ କରିବାକୁ ଜର୍ମାନୀ ସଂସଦ ଶୁକ୍ରବାର ଦିନ ଭୋଟ୍ ଗ୍ରହଣ କରିଥିଲେ । ବିରୋଧୀ ତଥା ଚିକିତ୍ସା ସଂଗଠନର ତୀବ୍ର ବିରୋଧ ସତ୍ତ୍ୱେ ଏହାକୁ ଅନୁମୋଦନ କରାଯାଇଛି ଏବଂ ଏହା ସହ ଜଡିତ ନିୟମ ଏପ୍ରିଲରୁ ଲାଗୁ ହେବ। ଜର୍ମାନୀରେ ନୂତନ ନିୟମ କ’ଣ ପରିବର୍ତ୍ତନ ଆଣିବ ଏବଂ ଏହାର କି ପ୍ରଭାବ ପଡିପାରେ ଆସନ୍ତୁ ଜାଣିବା…
ନୂତନ ନିୟମର କାର୍ଯ୍ୟକାରିତା ସହିତ ଜର୍ମାନୀ ଲକ୍ସେମବର୍ଗ ଏବଂ ମାଲ୍ଟା ଭଳି ଦେଶରେ ଯୋଗଦେବେ ଯେଉଁଠାରେ ଗଞ୍ଜେଇ ସମ୍ବନ୍ଧୀୟ ନିୟମ ସବୁଠୁ ସହଜ । ସୂଚନା ମୁତାବକ ମାଲ୍ଟା ଏବଂ ଲକ୍ସେମବର୍ଗରେ ଗଞ୍ଜେଇକୁ ଆଇନଗତ କରାଯାଇଥିଲା । ନେଦରଲ୍ୟାଣ୍ଡରେ ଏହା ସହ ଜଡିତ ନିୟମ ସହଜ, କିନ୍ତୁ ଗତ କିଛି ବର୍ଷ ଧରି ପର୍ଯ୍ୟଟକ ତଥା ଅଣ ନାଗରିକଙ୍କ ଉପରେ କଡା ଆଭିମୁଖ୍ୟ ଲାଗୁ ହୋଇଛି।
ଜର୍ମାନୀରେ ନୂତନ ନିୟମ :
ନୂତନ ନିୟମ ଅନୁଯାୟୀ, ବ୍ୟକ୍ତିଗତ ବ୍ୟବହାର ପାଇଁ ରେଗୁଲେଟେଡ଼ କାନାବିସ୍ କଲ୍ଟିବେଶନ ଆସୋସିଏସନରୁ ଜଣେ ବ୍ୟକ୍ତିଙ୍କୁ ପ୍ରତିଦିନ ୨୫ ଗ୍ରାମ ପର୍ଯ୍ୟନ୍ତ ଗଞ୍ଜେଇ ପାଇଁ ଅନୁମତି ଦିଆଯିବ । ଏହା ବ୍ୟତୀତ ଲୋକମାନେ ନିଜ ଘରେ ସର୍ବାଧିକ ତିନୋଟି ଗଛ ରଖି ପାରିବେ । କିନ୍ତୁ, ନୂତନ ନିୟମ ମଧ୍ୟ ଏହା କହିଛି ୧୮ ବର୍ଷରୁ କମ୍ ବୟସର ବ୍ୟକ୍ତିଙ୍କ ପାଇଁ ଗଞ୍ଜେଇ ରଖିବା ଏବଂ ବ୍ୟବହାର ବେଆଇନ ।
ଖବର ଅନୁଯାୟୀ, ଜର୍ମାନୀରେ ଗଞ୍ଜେଇ ବ୍ୟବହାର କରୁଥିବା ଯୁବକଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଯେହେତୁ ଏହା ଆଇନଗତ ନୁହେଁ, ସେମାନଙ୍କୁ କଳା ବଜାରରୁ ଏହାକୁ କିଣୁ ଛନ୍ତି । ଜର୍ମାନ କାନାବିସ୍ ଆସୋସିଏସନ୍ ଅନୁଯାୟୀ, କଳା ବଜାରରେ କିଣାଯାଇଥିବା ଗଞ୍ଜେଇ ପ୍ରାୟତ ବିଭିନ୍ନ ଜିନିଷ ମିଶ୍ରିତ ହେଇ ରହି ଥାଏ ଯାହା ସ୍ୱାସ୍ଥ୍ୟ ପାଇଁ ଅତ୍ୟନ୍ତ କ୍ଷତିକାରକ ।
ବିରୋଧୀ କାହିଁକି ବିରୋଧ କରୁଛନ୍ତି?
ଏଥି ସହିତ ବିରୋଧୀ କହିଛନ୍ତି ଯେ ଏହି ନୂତନ ନିୟମ କେବଳ ଯୁବକଙ୍କ ସ୍ୱାସ୍ଥ୍ୟ ପ୍ରତି ବିପଦ ବଢାଇବ। ବିରୋଧୀ ଦଳର ନେତାମାନେ ଅଭିଯୋଗ କରିଛନ୍ତି ଯେ ଏ ସରକାର ନିଜର ଆଦର୍ଶ ପାଇଁ ନୂତନ ନୀତି ଆଣୁଛନ୍ତି।
ଜର୍ମାନୀର ଲୋକମାନେ କ’ଣ କୁହନ୍ତି?
ଏହି ନୂତନ ନିୟମ ଅନୁଯାୟୀ ଜୁଲାଇରୁ ଜର୍ମାନୀରେ ଏକ କ୍ଲବ ଖୋଲିବ। ଜର୍ମାନୀରେ ଗଞ୍ଜେଇ ପାଇଁ ଅନୁମତି କେବଳ ସେହି ଲୋକଙ୍କୁ ଦିଆଯାଉଛି ଯେଉଁମାନେ କିଛି ଚିକିତ୍ସା ସମସ୍ୟାରେ ପୀଡିତ ଅଛନ୍ତି। ଏହାର ବ୍ୟକ୍ତିଗତ ବ୍ୟବହାର ନିଷେଧ। ସୂଚନାଯୋଗ୍ୟ ଯେ ଏକ ସର୍ବେକ୍ଷଣ ଅନୁଯାୟୀ ଦେଶର ଅଧିକ ଲୋକ ଏହି ଆଇନକୁ ସମର୍ଥନ କରୁଛନ୍ତି।
