[ad_1]
ମଧ୍ୟପ୍ରଦେଶର : ମଧ୍ୟପ୍ରଦେଶର ମନ୍ଦସୌର ଜିଲ୍ଲାର ଲୋଟଖେଡି ଗାଁରେ ଘଟିଛି ଅଭାବନୀୟ ଘଟଣା। ବୁଲା କୁକୁରଙ୍କ ଶିକାର ହେଲା ୧୨ ବର୍ଷୀୟା ନାବାଳିକା। କଲବଲ କରି କାମୁଡ଼ି କାମୁଡ଼ି ଜୀବନ ନେଇଗଲେ ବୁଲା କୁକୁର । ମୃତା ନାବାଳିକାଜଣକ ତନିଷା ବୋଲି ଜଣାଯାଇଛି। ତନିଷାଙ୍କ ବାପାମା’ ଗାଁ ପାଖ ବିଲରେ କାମ କରନ୍ତି। ସୂଚନା ଅନୁଯାୟୀ, ଘଟଣା ଦିନ ମଧ୍ୟାହ୍ନ ସମୟରେ ବାପାମା’ଙ୍କୁ ଖାଇବାକୁ ଦେବାକୁ ତନିଷା ବିଲକୁ ଯାଇଥିଲେ। ସେଠାରୁ ଫେରିବା ବେଳେ ସେ ବୁଲା କୁକୁରଙ୍କ ହାବୁଡ଼ରେ ପଡ଼ି ଯାଇଥିଲେ। ପ୍ରାୟ ୮, ୧୦ କୁକୁର ତାଙ୍କୁ ଗୋଡ଼ାଇଥିଲେ। ଏଥିରେ ଭୟଭୀତ ହୋଇ ପ୍ରାଣ ବିକଳରେ ଦୌଡ଼ୁଥିବା ତନିଷା ହଠାତ୍ ଏକ ବିଲରେ ପଡ଼ିଗଲେ। ଏହାପରେ ବୁଲା କୁକୁରମାନେ ତାଙ୍କୁ କାମୁଡ଼ି କାମୁଡ଼ି ଲହୁଲୁହାଣ କରିଦେଲେ। ସ୍ଥାନୀୟ ଲୋକଙ୍କଠୁ ଖବର ପାଇ ପରିବାର ଲୋକେ ପହଞ୍ଚି ତୁରନ୍ତ ତାଙ୍କୁ ନିକଟସ୍ଥ ମେଡିକାଲ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
[ad_2]
