[ad_1]
ଝାଡଖଣ୍ଡ : ହୋଲିରେ ଅଘଟଣ । ଝାଡଖଣ୍ଡର ପଶ୍ଚିମ ସିଂହଭୂମି ଜିଲ୍ଲାର ଗୋଟେ ଅଞ୍ଚଳରେ ଡିଜେ ବଜେଇ ହୋଲିକୁ ଆନନ୍ଦ, ଉଲ୍ଲାସର ସହିତ ପାଳନ କରୁଥିଲେ । କିଏ ଜାଣିଥିଲା ଯେ, ହସଖୁସିରେ ଫାଟିପଡୁଥିବା ପରିବେଶ କିଛି ସମୟ ମଧ୍ୟରେ କାନ୍ଦ ବୋବାଳିରେ ଫାଟି ପଡିବ । ଛୋଟ ଠାରୁ ଆରମ୍ଭ କରି ବଡ଼ ପର୍ଯ୍ୟନ୍ତ ସମସ୍ତେ ହୋଲି ଖେଳୁଥିବା ସମୟରେ ଡିଜେ ବକ୍ସ ଗୋଟେ ନାବାଳକ ଉପରେ ପଡିଯାଇଥିଲା । ସ୍ଥାନୀୟ ଲୋକ ନାବାଳକକୁ ଉଦ୍ଧାର କରି ତୁରନ୍ତ ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ । ଏହି ଘଟଣା ପରେ ପରିବାରରେ ଦୁଃଖର ଛାୟା ଖେଳିଯିବା ସହିତ ସ୍ଥାନୀୟ ଅଂଚଳ ଯେପରି ସ୍ତବ୍ଧ ହୋଇଯାଇଛି ।
[ad_2]
