[ad_1]
ନୂଆଦିଲ୍ଲୀ: ନିକଟରେ ସାଂସଦ ପଦ ଫେରିପାଇଥିବା କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ପ୍ରତିରକ୍ଷା ବିଭାଗ ଷ୍ଟାଣ୍ଡିଂ କମିଟି ପାଇଁ ମନୋନୀତ କରାଯାଇଛି । ଅପରପକ୍ଷରେ ନବନିର୍ବାଚିତ ଆପ୍ ସାଂସଦ ସୁଶୀଲ କୁମାର ରିଙ୍କୁ କୃଷି ବିଭାଗ ଏବଂ ଏନ୍ସିପି ସାଂସଦ ଫୈଜଲ ମହମ୍ମଦ ଖାଉଟୀ ବ୍ୟାପାର ଓ ସାଧାରଣ ବଣ୍ଟନ ବିଭାଗ ଷ୍ଟାଣ୍ଡିଂ କମିଟିକୁ ମନୋନୀତ ହୋଇଛନ୍ତି । ସୂଚନାଯୋଗ୍ୟ ମୋଦୀ ସାଙ୍ଗିଆ ଉପରେ ପ୍ରତିକୂଳ ଟିପ୍ପଣି ଦେଇ ଜେଲ୍ ଦଣ୍ଡାଦେଶ ପାଇବାପରେ ଚଳିତବର୍ଷ ମାର୍ଚ୍ଚରେ ରାହୁଲଙ୍କ ସାଂସଦ ପଦ ରଦ୍ଦ କରାଯାଇଥିଲା । ତେବେ ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଅଗଷ୍ଟ ୭ରେ ରାହୁଲ ପୁଣି ସାଂସଦ ପଦ ଫେରିପାଇଥିଲେ ।
[ad_2]
