[ad_1]
ଭୁବନେଶ୍ୱର: ଚଳିତ ନିର୍ବାଚନରେ ବିଜେପି ବାରମ୍ବାର ଆଇନ ଉଲ୍ଲଂଘନ କରୁଛି । ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ନିକଟରେ ପୁଣି ଫେରାଦ ହୋଇ କାର୍ୟ୍ୟାନୁଷ୍ଠାନ ଦାବି କରିଛି ବିଜେଡି । ଅଭିଯୋଗ ଅନୁଯାୟୀ, ବିଜେପିର ସମ୍ବଲପୁର ଲୋକସଭା ଆସନ ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ, କେନ୍ଦ୍ରାପଡ଼ା ଲୋକସଭା ଆସନ ପ୍ରାର୍ଥୀ ବୈଜୟନ୍ତ ପଣ୍ଡା ଓ ଭୁବନେଶ୍ୱର ଲୋକସଭା ଆସନ ପ୍ରାର୍ଥୀ ଅପରାଜିତା ଷଡ଼ଙ୍ଗୀ ପିଲାମାନଙ୍କୁ ନିର୍ବାଚନ କାମରେ ବ୍ୟବହାର କରୁଛନ୍ତି। ପ୍ରତି ନିର୍ବାଚନ ରାଲିରେ କୋମଳମତି ପିଲାଙ୍କୁ ବ୍ୟବହାର କରୁଛନ୍ତି ବିଜେପି ପ୍ରାର୍ଥୀ। ପୁରୀ ଲୋକସଭା ଆସନ ପ୍ରାର୍ଥୀ ସମ୍ବିତ ପାତ୍ର । ଯିଏ ଆଇନ କଥା କୁହନ୍ତି, ସେ ନିର୍ବାଚନ କାମରେ ପିଲାମାନଙ୍କୁ ବ୍ୟବହାର କରିଛନ୍ତି। ନିର୍ବାଚନ କମିଶନ ନିର୍ଦ୍ଦେଶନାମା ଜାରି କରିଛନ୍ତି ଯେ ୪୩ ଡିଗ୍ରୀ ତାପମାତ୍ରାରେ ପିଲାମାନଙ୍କୁ ବ୍ୟବହାର କରାଯିବ ନାହିଁ। କିନ୍ତୁ ବିଜେପି ଏହା ମାନୁନାହିଁ। ଏହା ନିନ୍ଦନୀୟ। ଏନେଇ ବିଜେଡି କାର୍ୟ୍ୟାନୁଷ୍ଠାନ ଦାବି କରିଛି।
[ad_2]
