ସାଲେପୁର : ଆଜି ସକାଳୁ ନିଶ୍ଚିନ୍ତକୋଇଲିର ହାଣ୍ଡିଭଙ୍ଗା ଗାଁରେ ଦେଖିବାକୁ ମିଳିଛି । ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଣେ ଯୁବକଙ୍କର ମୃତ୍ୟୁ ଘଟିଛି । ମୃତକ ଭାବଗ୍ରାହୀ ମଲ୍ଲିକ ବୋଲି ଜଣାପଡିଛି।
ସୂଚନା ଅନୁସାରେ ଆଜି ସକାଳୁ ସକାଳୁ ଭାବଗ୍ରାହୀ ମଳିକ କୌଣସି କାମରେ ଘରୁ ବାହାରକୁ ଯାଉଥିଲେ । ଏହି ସମୟରେ ଏକ ବିଦ୍ୟୁତ ତାରଟି ତାଙ୍କ ଉପରେ ଛିଡି ପଡିଥିଲା ।
ସଂଗେ ସଂଗେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ନିଶ୍ଚିନ୍ତକୋଇଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ତେବେ ବିଦ୍ୟୁତ୍ ବିଭାଗର ଅବହେଳା ଯୋଗୁଁ ଏଭଳି ଅଘଟଣ ଘଟିଥିବା ଗ୍ରାମବାସୀମାନେ ଅଭିଯୋଗ କରିଛନ୍ତି । ଅନେକ ଥର ବିଦ୍ୟୁତ ବିଭାଗକୁ ଜଣାଇଥିଲେ ମଧ୍ୟ ସେ ସମସ୍ୟାର ସମାଧାନ କି ତାର ପ୍ରତିକାର ନ କରିବାରୁ ଆଜି ଏକ ନିରୀହ ଜୀବନ ଚାଲି ଯାଇଛି ବୋଲି ଗ୍ରାମବାସୀ କହିଛନ୍ତି । ଏପରିକି ମୃତକଙ୍କ ପରିବାର କୁ ଅନୁକମ୍ପା ସହାୟତା ରାଶି ସହ ତା ପରିବାରରୁ ଜଣକୁ ନିଯୁକ୍ତି ଦେବା ପାଇଁ ଦାବି କରିଛନ୍ତି।
