[ad_1]
ବ୍ୟୁରୋ : ଋଷିକେଶ ସ୍ଥିତ ଏମ୍ସରୁ ଡ୍ରୋନ ଜରିଆରେ ମେଡିକାଲ ସେବା ଯୋଗାଇବା ପରୀକ୍ଷଣ ବିଫଳ ହୋଇଛି । କୋଟଦ୍ୱାର ବେସ୍ ହସ୍ପିଟାଲ ପାଇଁ ପଠାଯାଇଥିବା ଡ୍ରୋନ୍ ଲ୍ୟାଣ୍ଡିଂ କରିବା ସମୟରେ ଦୁର୍ଘଟଣାଗ୍ରସ୍ତ ହୋଇ ଖସିପଡିଛି । ଅବଶ୍ୟ ଏହି ଘଟଣାରେ କୌଣସି ଧନଜୀବନର କ୍ଷତି ହୋଇନଥିବା ସୂଚନା ରହିଛି । ଡ୍ରୋନମାଧ୍ୟମରେ ରକ୍ତ ପ୍ୟାକେଟ ପଠାଯାଉଥିଲା ।
ସୂଚନା ମୁତାବକ, ଏମ୍ସ କାର୍ଯ୍ୟନିର୍ବାହୀ ନିର୍ଦ୍ଦେଶକ ପ୍ରଫେସର ମୀନୁ ସିଂହ ମଧ୍ୟାହ୍ନ ୧୨ଟା ୪୫ ମିନିଟରେ ଡ୍ରୋନକୁ କୋଟଦ୍ୱାର ପଠାଇଥିଲେ । ପାଖାପାଖି ଦେଢ ଘଣ୍ଟା ପରେ ଡ୍ରୋନ୍ କୋଟଦ୍ୱାର ନିକଟରେ ଏକ ଗଛରେ ମାଡ ହୋଇଗଲା । ଡ୍ରୋନର ପାଇଲଟ୍ ବେସ୍ ହସ୍ପିଟାଲର ଛାତ ଉପରେ ଅପେକ୍ଷା କରିଥିବାବେଳେ ତାଙ୍କୁ ଦୁର୍ଘଟଣାର ସୂଚନା ମିଳିଥିଲା । ଯାଇ ଦେଖିବାବେଳକୁ ଡ୍ରୋନ ଗଛରେ ମାଡ ହୋଇ ଖସିପଡିଥିଲା ।
[ad_2]
