[ad_1]
ନୂଆଦିଲ୍ଲୀ: ଏମିତି କେହି ବି ଲୋକ ନଥିବେ ଯିଏ ପାକିସ୍ତାନରୁ ଭାରତୀୟ ପ୍ରେମିକ ସଚିନ ପାଇଁ ଦୌଡ଼ି ଆସିଥିବା ସୀମା ହାଇଦରଙ୍କୁ ଜାଣିନଥିବେ। ପ୍ରେମ ପାଇଁ ନିଜ ସ୍ବାମୀଙ୍କୁ ଛାଡ଼ି ୪ ଜଣ ପିଲାଙ୍କୁ ସାଥୀରେ ଧରି ବେନିୟମ୍ ଭାବେ ସୀମା ପାର୍ କରି ଭାରତ ପ୍ରବେଶ କରିଥିବା ସୀମା ଲଗାତର ଭାବେ ଚର୍ଚ୍ଚାରେ ରହିଛନ୍ତି। ନିକଟରେ ସେ ଫିଲ୍ମରେ ଅଭିନୟ କରିବେ ବୋଲି ଏକ ଖବର ପ୍ରକାଶ ପାଇଥିବା ବେଳେ ଏବେ ତାଙ୍କ ଉପରେ ଏକ ସିନେମା ନିର୍ମାଣ ହେବାକୁ ଯାଉଛି। ସୂଚନା ରହିଛି ଯେ ସଚିନ ଓ ସୀମାଙ୍କ ପ୍ରେମ କାହାଣୀ ଉପରେ ଏକ ସିନେମା ନିର୍ମାଣ ହେବ। ସିନେମାର ନାମ ରହିବ ‘କରାଚି ଟୁ ନୋଇଡା’।
ପୂର୍ବରୁ ସୀମାଙ୍କୁ ଉଦୟପୁରରେ ଟେଲର କହ୍ନେୟାଲାଲ୍ଙ୍କ ହତ୍ୟା କାହାଣୀ ଉପରେ ନିର୍ମିତ ଏକ ଫିଲ୍ମରେ ଜଣେ ‘ର’ ଏଜେଣ୍ଟ୍ର ଭୂମିକା ନିଭାଇବାକୁ ଅଫର୍ ଦେଇଥିବା ପ୍ରଯୋଜକ ଅମିତି ଜାନୀ ହିଁ ଏହି ସିନେମା ବନାଇବେ।
ସୂଚନାରୁ ପ୍ରକାଶ ଯେ ଅମିତ ଜାନୀ ଆଗାମୀ ସପ୍ତାହରେ ‘କରାଚି ଟୁ ନୋଇଡା’ ସିନେମାର ଥିମ୍ ସଙ୍ଗ୍ ଲଞ୍ଚ୍ କରିବେ। ଆପଣ ଜାଣନ୍ତି ଯେ ପୂର୍ବରୁ ସୀମାଙ୍କୁ ଅମିତ ଜାନୀ ଦେଇଥିବା ଅଫର୍କୁ ସେ ଗ୍ରହଣ କରି ସାରିଛନ୍ତି। ଜାଣିବାକୁ ମିଳିଛି ଯେ କହ୍ନେୟା ଲାଲ୍ ହତ୍ୟାକାଣ୍ଡ ଉପରେ ଆଧାରିତ ଏକ ଚଳଚ୍ଚିତ୍ରରେ ‘ର’ ଏଜେଣ୍ଟ୍ ଭୂମିକାରେ ନଜର ଆସିବେ ସୀମା।
ପାକସ୍ତାନ ନାଗରିକ ସୀମା ହାଇଦର ଓ ତାଙ୍କ ଭାରତୀୟ ପ୍ରେମିକ ସଚିନଙ୍କ ପ୍ରେମକାହାଣୀ ଚର୍ଚ୍ଚାରେ ରହିଛି। ଚଳିବା ପାଇଁ ସଚିନଙ୍କ ପରିବାରରେ ଟଙ୍କାର ଅଭାବ ଦେଖା ଦେଇଥିବା ବେଳେ ଉତ୍ତରପ୍ରଦେଶର ନବନିର୍ମାଣ ସେନାର ଅଧ୍ୟକ୍ଷ ତଥା ପ୍ରଯୋଜକ ଅମିତ ଜାନି ସୀମା ଓ ସଚିନଙ୍କୁ ସାହାଯ୍ୟ ପାଇଁ ଆଗେଇ ଆସିଛନ୍ତି।
[ad_2]
