ଭୁବନେଶ୍ୱର, ୦୪/୯ : ମାହାଙ୍ଗା ଥାନା ସମ୍ମୁଖରେ ଆତ୍ମହତ୍ୟା ଉଦ୍ୟମ କରି ଏସସିବି ମେଡିକାଲରେ ମହିଳାଙ୍କ ମୃତ୍ୟୁ ଘଟଣା । ବଦଳିଲେ ମାହାଙ୍ଗା ଥାନା ଅଧିକାରୀ ବିଜୟ କୁମାର ମଲ୍ଲିକ। ତାଙ୍କୁ କଟକ ନିଆଳି ଥାନାକୁ ବଦଳି କରାଯାଇଛି। ନିଆଳି ଥାନାଧିକାରୀ ତପନ କୁମାର ରାଉତଙ୍କୁ ମାହାଙ୍ଗା ଥାନାଧିକାରୀ ଭାବେ ଅବସ୍ଥାପିତ କରାଯାଇଛି।
ଗତ ଅଗଷ୍ଟ ୧୬ ତାରିଖରେ ରଶ୍ମିତା ଦାସ ନାମକ ଜଣେ ମହିଳା ମାହାଙ୍ଗା ଥାନା ସମ୍ମୁଖରେ ଆତ୍ମହତ୍ୟା ଉଦ୍ୟମ କରିଥିଲେ। ତାଙ୍କୁ ଗୁରୁତର ଅବସ୍ଥାରେ ଏସସିବି ମେଡିକାଲରେ ଭର୍ତ୍ତି କରାଯାଇଥିଲା। ଏସସିବିରେ ଚିକିତ୍ସାଧିନ ଅବସ୍ଥାରେ ରଶ୍ମିତାଙ୍କ ମୃତ୍ୟୁ ଘଟିଥିଲା। ଏହି ଘଟଣା ପରେ ମାହାଙ୍ଗା ଥାନା ଆଇଆଇସି ବିଜୟ କୁମାର ମଲ୍ଲିକ ଚର୍ଚ୍ଚାରେ ଥିଲେ। କାରଣ ଆତ୍ମହତ୍ୟା ପୂର୍ବରୁ ରଶ୍ମିତା ଦାସ ନିଜେ ମାହାଙ୍ଗା ଆଇଆଇସିଙ୍କ ନାଁ ନେଇଥିଲେ। ମାହାଙ୍ଗା ଆଇଆଇସି ବିଜୟ କୁମାର ମଲ୍ଲିକ ଓ ଏସଆଇ ଇପ୍ସିତା ପ୍ରିୟଦର୍ଶିନୀ ତାଙ୍କୁ ଅପବ୍ୟବହାର କରିବାରୁ ସେ ଆତ୍ମହତ୍ୟା କରିଥିଲେ ବୋଲି ବୟାନ ଦେଇଥିଲେ।
