[ad_1]
ମୁମ୍ବାଇ: ବଲିଉଡ ଇଣ୍ଡଷ୍ଟ୍ରିର ପ୍ରତ୍ୟେକ ଅଭିନେତା ନିଜ ଭାଗ୍ୟକୁ ଚମକାଇବାକୁ ଚାହାଁନ୍ତି, ଯେଉଁଥିପାଇଁ ସେମାନେ କଠିନ ପରିଶ୍ରମ କରନ୍ତି, କିନ୍ତୁ ଭାଗ୍ୟ ସମସ୍ତଙ୍କୁ ସାଥ ଦିଏ ନାହିଁ | ଅନେକ ଥର ଗାୟକମାନେ ମଧ୍ୟ ଅଭିନୟ କରିବାକୁ ଚେଷ୍ଟା କରିଥିଲେ କିନ୍ତୁ ସେମାନଙ୍କୁ ବିଫଳତାର ସାମ୍ନା କରିବାକୁ ପଡିଛି | ଆଜି ଆମେ ଆପଣଙ୍କୁ ଏମିତି ଜଣେ ସଫଳ ଗାୟକ ତଥା ସଂଗୀତ ନିର୍ଦ୍ଦେଶକଙ୍କ ବାବଦରେ କହିବୁ, ଯିଏ ଗତ ୧୩ ବର୍ଷ ଧରି ସଫଳ ଅଭିନେତା ହେବାକୁ ଚେଷ୍ଟା କରୁଛନ୍ତି, କିନ୍ତୁ ପ୍ରତ୍ୟେକ ଥର ତାଙ୍କୁ କେବଳ ନିରାଶ ହେବାକୁ ପଡିଛି । ଏହି ସଂଗୀତ ନିର୍ଦ୍ଦେଶକଙ୍କ ନାମ ହେଉଛି ହିମେଶ ରେଶମିଆ | ସେ ଅନେକ ହିଟ୍ ଗୀତ ମାଧ୍ୟମରେ ଲୋକଙ୍କ ହୃଦୟ ଜିତିଛନ୍ତି | ତେବେ ଗତ କିଛି ବର୍ଷ ମଧ୍ୟରେ, ହିମେଶ ଅଭିନୟ ଦୁନିଆରେ ପାଦ ଦେଇଥିବାବେଳେ ସବୁଥର ଫ୍ଲପ୍ ବୋଲି ପ୍ରମାଣିତ ହୋଇଛନ୍ତି | ବଡ କଥା ଯେ ତାଙ୍କର କୌଣସି ବି ଚଳଚ୍ଚିତ୍ର ବକ୍ସ ଅଫିସରେ ହିଟ୍ ହୋଇନାହିଁ, କିନ୍ତୁ ସେ ଆଜି ପର୍ଯ୍ୟନ୍ତ ନିଜର ଉଦ୍ୟମ ଜାରି ରଖିଛନ୍ତି।
ହିମେଶ ରେଶମିଆଙ୍କ ହିରୋ ଭାବରେ ପ୍ରଥମ ଚଳଚ୍ଚିତ୍ର ୨୦୦୭ ମସିହାରେ ମୁକ୍ତିଲାଭ କରିଥିବା ‘ଆପକା ସୁରୁର’ ଥିଲା ଯେଉଁଥିରେ ସେ ହଂସିକା ମୋଟୱାନୀଙ୍କ ସହ ଅଭିନୟ କରିଥିଲେ। । ଏହାର ସମସ୍ତ ଗୀତ ହିମେଶ ନିଜେ ଗାଇଥିଲେ ଏବଂ ସେ ଏହି ଚଳଚ୍ଚିତ୍ରର ସଙ୍ଗୀତ ନିର୍ଦ୍ଦେଶନା ମଧ୍ୟ ଦେଇଥିଲେ | ତେବେ, ୯ କୋଟି ଟଙ୍କାରେ ନିର୍ମିତ ଏହି ଚଳଚ୍ଚିତ୍ରଟି ରୋଜଗାର କ୍ଷେତ୍ରରେ ବକ୍ସ ଅଫିସରେ ସଫଳତା ପାଇନଥିଲା | ଏହାର ଠିକ୍ ଗୋଟିଏ ବର୍ଷ ପରେ ପ୍ରସିଦ୍ଧ ନିର୍ଦ୍ଦେଶକ ସତୀଶ କୌଶିକ ହିମେଶ ରେଶମିଆଙ୍କୁ ନେଇ ‘କରଜ’ ଚଳଚ୍ଚିତ୍ର ନିର୍ମାଣ କରିଥିଲେ, ଯାହାକି ଫ୍ଲପ ହୋଇଥିଲା | ଏହା ପରେ ହିମେଶ ରେଶମିଆ ଅନେକ ଚଳଚ୍ଚିତ୍ରରେ କାମ କରିଥିଲେ, କିନ୍ତୁ ସେ ସଫଳତା ପାଇପାରିନଥିଲେ। ତାଙ୍କ ଅଭିନୀତ ଚଳଚ୍ଚିତ୍ର ମଧ୍ୟରେ ‘ରେଡିଓ’, ‘କଜରାରେ’, ‘ଦମାଦମ୍’, ‘ଦି ଏକ୍ସପୋଜ୍’, ‘ତେରା ସୁରୁର’, ‘ହାପି ହାର୍ଡି ଆଣ୍ଡ ହିର’ ବକ୍ସ ଅଫିସରେ ଫ୍ଲପ ହୋଇଥିଲା | ଅନ୍ୟପକ୍ଷରେ, ହିମେଶ ରେଶମିଆ ଅକ୍ଷୟ କୁମାରଙ୍କ ସହ ଫିଲ୍ମ ‘ଖିଲାଡି ୭୮୬’ ରେ କାମ କରିଥିଲେ, କିନ୍ତୁ ଏହି ଚଳଚ୍ଚିତ୍ର ମଧ୍ୟ ହିଟ ହୋଇନଥିଲା | ହିମେଶ ରେଶମିଆ ୧୩ ବର୍ଷରେ ପ୍ରାୟ ୯ଟି ଚଳଚ୍ଚିତ୍ରରେ ଅଭିନେତା ଅଭିନୟ କରିଥିଲେ ବି ଅଦ୍ୟାବଧି ତାଙ୍କର ଗୋଟିଏ ବି ଫିଲ୍ମ ବକ୍ସ ଅଫିସରେ ହିଟ୍ ହୋଇପାରି ନାହିଁ।
[ad_2]
