ମୁମ୍ଵାଇ ୨୩।୦୯; ଅମରାବତୀରେ ଭୟଙ୍କର ଦୁର୍ଘଟଣା ଘଟିଛି। ଏଠାରେ ଏକ ଘରୋଇ ବସ୍ ସେମାଡୋହ ନିକଟରେ ଦୁର୍ଘଟଣାର ସମ୍ମୁଖୀନ ହୋଇଥିଲା।କୁହାଯାଉଛି ଯେ ବସଟି ହଠାତ୍ ନିୟନ୍ତ୍ରଣ ବାହାରକୁ ଆସିଥିଲା । ଯାହାପରେ ବସ୍ଟି ଖାଲରେ ଖସିପଡିଥିଲା। ବସ୍ରେ ଯାତ୍ରା କରୁଥିବା ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ୫୦ ଜଣ ଆହତ ହୋଇଛନ୍ତି। ଏଥିରେ ଅନେକ ଲୋକ ଗୁରୁତର ଥିବା ନେଇ କୁହାଯାଉଛି।
ଏହି ଦୁର୍ଘଟଣା ବିଷୟରେ କୁହାଯାଉଛି ଯେ ମେଲଘାଟରେ ଖରାପ ରାସ୍ତା ଯୋଗୁଁ ଡ୍ରାଇଭର ନିୟନ୍ତ୍ରଣ ହରାଇବାରୁ ବସ୍ ଖାଲରେ ପଡ଼ିଯାଇଥିଲା।
ଉଦ୍ଧାର କାର୍ଯ୍ୟ ଜାରି ରହିଛି
ଏହି ଦୁର୍ଘଟଣା ପରେ କିଛି ଯାତ୍ରୀ କୌଣସି ପ୍ରକାରେ ବାହାରକୁ ଆସିଥିଲେ ଏବଂ ଅବଶିଷ୍ଟ ଯାତ୍ରୀଙ୍କୁ ମଧ୍ୟ ବାହାରକୁ ନିଆଯାଇଥିଲା। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି। ଏପର୍ଯ୍ୟନ୍ତ ମିଳିଥିବା ସୂଚନା ଅନୁଯାୟୀ, ତିନି ଜଣଙ୍କର ମୃତ୍ୟୁ ହୋଇଥିବାବେଳେ ୫୦ ଜଣ ଆହତ ହୋଇଥିବା କୁହାଯାଉଛି। ଆହତମାନଙ୍କୁ ତୁରନ୍ତ ସେମାଡୋହ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ଆଶଙ୍କା କରାଯାଉଛି। ରିଲିଫ ଏବଂ ଉଦ୍ଧାର କାର୍ଯ୍ୟ ପାଇଁ ଏନଡିଆରଏଫ ଟିମକୁ ମଧ୍ୟ ଘଟଣାସ୍ଥଳକୁ ପଠାଯାଇଛି।
