ନୂଆପଡା: ନୂଆପଡ଼ା ଜିଲ୍ଲା ଖଡ଼ିଆଳ ଥାନା ଅନ୍ତର୍ଗତ ଗଧାପଦର ଗାଁରେ ଭାଲୁ ଆତଙ୍କ । ଭାଲୁ ଆକ୍ରମଣରେ ଜଣେ ଚାଷି ଗୁରୁତର ଆହତ ହୋଇଛନ୍ତି। ଗୁରୁତର ଆହତ ଚାଷୀ ଜଣକ ହେଲେ ପର୍ଶୁରାମ କଟା । ତାଙ୍କର ଡାହାଣ ଗୋଡ଼ ଜଂଘରେ ଗଭୀର କ୍ଷତ ହୋଇଛି ।
ଆଜି ଭୋର ସକାଳେ ପର୍ଶୁରାମ ନିଜ ଚାଷ ଜମିକୁ ଯାଇଥିବା ବେଳେ ୨ଟି ଜଙ୍ଗଲୀ ଭାଲୁର ଆକ୍ରମଣର ଶିକାର ହୋଇଥିଲେ ।
ଖବରପାଇ ତାଙ୍କ ପରିବାର ଲୋକେ ଗୁରୁତର ଅବସ୍ଥାରେ ପର୍ଶୁରାମଙ୍କୁ ଉଦ୍ଧାର କରି ଖଡ଼ିଆଳ ଉପଖଣ୍ଡ ଡାକ୍ତରଖାନାରେ ଚିକିତ୍ସା ପାଇଁ ଭର୍ତି କରିଛନ୍ତି । ଅପରପକ୍ଷେ, ଖଡ଼ିଆଳ ବନବିଭାଗର ଏକ ଟିମ ଘଟଣାସ୍ଥଳରେ ପହଂଚି ଭାଲୁ ଘଉଡ଼ାଇଵା ପାଇଁ ଗାଁରେ ପେଟ୍ରୋଲିଙ୍ଗ ବ୍ୟବସ୍ଥାକୁ କଡାକଡି କରାଯାଇଥିବା ରେଞ୍ଜର ସୂଚନା ଦେଇଛନ୍ତି ।
