[ad_1]
ମୁମ୍ବାଇ : ବଲିଉଡ୍ ସୁପରଷ୍ଟାର ଶାହରୁଖ୍ ଖାନ୍ ଅଭିନୀତ ଆଗାମୀ ଚଳଚ୍ଚିତ୍ର ‘ଯବାନ’ର କେତେକ କ୍ଲିପ୍ ଚୋରି ହୋଇଥିବାବେଳେ ଅନ୍ଲାଇନ (ଟ୍ୱିଟର)ରେ ଏହା ପ୍ରଦର୍ଶିତ ହେଉଥିବା ଜଣାପଡିଛି । ଶାହରୁଖ୍ ଓ ପତ୍ନୀ ଗୌରୀ ଖାନ୍ଙ୍କ କମ୍ପାନୀ ରେଡ୍ ଚିଲିଜ୍ ଏଣ୍ଟରଟେନ୍ମେଣ୍ଟ ପକ୍ଷରୁ ସାନ୍ତାକ୍ରୁଜ୍ ଥାନାରେ ଅଜଣା ବ୍ୟକ୍ତିଙ୍କ ନାମରେ ମାମଲା ରୁଜୁ କରାଯାଇଛି । ଅପରପକ୍ଷରେ ଉକ୍ତ ଚଳଚ୍ଚିତ୍ରର ଚୋରି ହୋଇଥିବା କ୍ଲିପ୍କୁ ପ୍ରସାରଣ ନକରିବାକୁ ଦିଲ୍ଲୀ ହାଇକୋର୍ଟ ପକ୍ଷରୁ ଟ୍ୱିଟର କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି ।
ଚଳଚ୍ଚିତ୍ରର ସୁଟିଂ ସମୟରେ ଉପସ୍ଥିତ ଲୋକଙ୍କୁ ମୋବାଇଲ ବ୍ୟବହାର କରିବାକୁ ମନା କରାଯାଇଥିବା ସତ୍ତ୍ୱେ କ୍ଲିପ୍ କିପରି ଚୋରି ହେଲା, ତାହା ସମସ୍ତଙ୍କୁ ଆଶ୍ଚର୍ଯ୍ୟାନ୍ୱିତ କରିଛି । ସେପ୍ଟେମ୍ବର ୭ରେ ଏହା ବିଶ୍ୱବ୍ୟାପୀ ମୁକ୍ତିଲାଭ କରିବାର କାର୍ଯ୍ୟକ୍ରମ ରହିଛି ।
[ad_2]
