ଲଣ୍ଡନ: ବ୍ରିଟେନର ପୂର୍ବତନ ପ୍ରଧାନମନ୍ତ୍ରୀ ଟୋନି ବ୍ଲେୟାର ପୂର୍ବାନୁମାନ କରିଛନ୍ତି ଯେ ୨୦୫୦ ସୁଦ୍ଧା ଭାରତ, ଆମେରିକା ଓ ଚୀନ୍ ବିଶ୍ବର ମହାଶକ୍ତି ଭାବରେ ଉଭା ହେବେ ଏବଂ ଏକ ‘ଜଟିଳ ବିଶ୍ୱ ବ୍ୟବସ୍ଥା’ ସୃଷ୍ଟି କରିବେ ଯାହା ପାଇଁ ବିଶ୍ୱନେତାମାନେ ପ୍ରସ୍ତୁତ ରହିବା ଉଚିତ। ଷ୍ଟ୍ରେଟ୍ସ ଟାଇମ୍ସକୁ ଦେଇଥିବା ଏକ ସାକ୍ଷାତ୍କାରରେ ୭୧ ବର୍ଷୀୟ ବ୍ଲେୟାର କହିଛନ୍ତି ଯେ ଏହି ତିନୋଟି ଦେଶ ଦ୍ୱାରା ନିର୍ମିତ ଏକ ବହୁଧ୍ରୁବୀୟ ବିଶ୍ୱ ସହ ଅନ୍ୟ ଦେଶଗୁଡ଼ିକୁ ଖାପ ଖୁଆଇବାକୁ ପଡ଼ିବ।
ଆପଣଙ୍କୁ ନିଷ୍ପତ୍ତି ନେବାକୁ ପଡ଼ିବ ଯେ ଆପଣଙ୍କ ଦେଶ ବିଶ୍ୱରେ କେଉଁଠି ଫିଟ୍ ହେବ। ଏହି ଶତାବ୍ଦୀର ମଧ୍ୟଭାଗ ବେଳକୁ ତିନୋଟି ମହାଶକ୍ତି ପ୍ରଭାବଶାଳୀ ଭାବେ ଉଭା ହେବେ। ସେମାନେ ହେଉଛନ୍ତି ଆମେରିକା, ଚୀନ୍ ଓ ଭାରତ।
୧୯୯୭ରୁ ୨୦୦୭ ପର୍ଯ୍ୟନ୍ତ ବ୍ରିଟିସ ପ୍ରଧାନମନ୍ତ୍ରୀ ଥିବା ବ୍ଲେୟାର ଉଲ୍ଲେଖ କରିଛନ୍ତି ଯେ ବର୍ତ୍ତମାନର ବିଶ୍ୱ ପରିଦୃଶ୍ୟ ତାଙ୍କ ଶାସନ କାଳ ତୁଳନାରେ ଅଧିକ ଜଟିଳ, ଯେତେବେଳେ ଆମେରିକା ପ୍ରଭାବଶାଳୀ ମହାଶକ୍ତି ଥିଲା। ଚୀନ୍ ଓ ଭାରତର ଉତ୍ଥାନ ଭୂ-ରାଜନୀତିକୁ ନୂଆ ରୂପ ଦେଉଛି ଏବଂ ମେଣ୍ଟ ଓ କୂଟନୈତିକ ରଣନୀତିର ପୁନଃମୂଲ୍ୟାୟନ କରିବାକୁ ଦାବି କରୁଛି ବୋଲି ସେ କହିଛନ୍ତି। ବ୍ଲେୟାର ମଧ୍ୟପ୍ରାଚ୍ୟରେ, ବିଶେଷକରି ଲେବାନନରେ ଇସ୍ରାଏଲ ଓ ହେଜବୁଲ୍ଲା ଆତଙ୍କବାଦୀଙ୍କ ମଧ୍ୟରେ ବଢୁଥିବା ଉତ୍ତେଜନା ଓ ବ୍ୟାପକ ସଂଘର୍ଷର ବିପଦ ବିଷୟରେ ମଧ୍ୟ ଆଲୋଚନା କରିଥିଲେ। ଇସ୍ରାଏଲର ଉତ୍ତରରେ ଏବେ ଯାହା ଘଟୁଛି, ତାହା ଏକ ଅତ୍ୟନ୍ତ ବିପଜ୍ଜନକ ପରିସ୍ଥିତି, ଯେଉଁଥିରେ ଉତ୍ତେଜନା ବଢ଼ିବାର ଯଥେଷ୍ଟ ସମ୍ଭାବନା ରହିଛି। ଇସ୍ରାଏଲ ଓ ପାଲେଷ୍ଟାଇନ ମଧ୍ୟରେ ଶାନ୍ତି ପ୍ରତିଷ୍ଠାର ଏକମାତ୍ର ମାର୍ଗ ଭାବରେ ‘ଦୁଇ ରାଷ୍ଟ୍ର ସମାଧାନ’ ପ୍ରତି ସେ ତାଙ୍କର ସମର୍ଥନକୁ ଦୋହରାଇଥିଲେ। ବ୍ଲେୟାର ଆହୁରି କହିଛନ୍ତି ଯେ ଶାନ୍ତି ଆଲୋଚନାରେ ଚୀନ୍ ପ୍ରମୁଖ ଭୂମିକା ଗ୍ରହଣ କରିପାରେ କି
