କଠିନ ପରିଶ୍ରମ କରିବା ପରେ ମଧ୍ୟ ପକେଟ ରହୁଛି ଖାଲି ! ତା ହେଲେ ଘରେ ଲଗାନ୍ତୁ ଏହି ଫୁଲ ଗଛ,ଆସିବ ଘରକୁ ଟଙ୍କା
ବାସ୍ତୁ ଶାସ୍ତ୍ରକୁ ମନୁଷ୍ୟ ଜୀବନରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିବେଚନା କରାଯାଏ କାରଣ ବାସ୍ତୁ ଶାସ୍ତ୍ରରେ ମନୁଷ୍ୟ ଜୀବନରେ ଆସୁଥିବା ପ୍ରତ୍ୟେକ ଛୋଟ ବଡ଼ ସମସ୍ୟାର ସମାଧାନ ପାଇଁ ଅନେକ ନିୟମ ବିଷୟରେ ବର୍ଣ୍ଣିତ ହୋଇଛି । ଯାହା ମନୁଷ୍ୟ ଜୀବନରେ ଖୁବ ପ୍ରଭାବୀ ପ୍ରମାଣିତ ହୋଇଥାଏ । ଅନେକ ସମୟରେ ମନୁଷ୍ୟ କଠିନ ପରିଶ୍ରମ କରିବା ପରେ ମଧ୍ୟ ଟଙ୍କା ସଞ୍ଚୟ କରିପାରେ ନାହିଁ ଏବଂ ସର୍ବଦା ଆର୍ଥିକ ସମସ୍ୟାରେ ପଡ଼ିଥାଏ । ତେଣୁ ଆଜିକାର ଏହି ଲେଖାରେ ଆମେ ଆପଣଙ୍କୁ କିଛି ଗଛ ସହିତ ଜଡ଼ିତ ବାସ୍ତୁ ପ୍ରତିକାର ବିଷୟରେ କହିବୁ , ଯାହାକୁ ଯଦି ଆପଣ ନିଜ ଜୀବନରେ ଉପଯୋଗ କରନ୍ତି ତେବେ ଜୀବନରେ ଆସୁଥିବା ଆର୍ଥିକ ସମସ୍ୟାରୁ ମୁକ୍ତି ପାଇପାରିବେ । ତେବେ ଚାଲନ୍ତୁ ଜାଣିନେବା ।
୧ . ଘରକୁ ଆସିଥାଏ ସକାରାତ୍ମକ ଶକ୍ତି :-
ବାସ୍ତୁ ଶାସ୍ତ୍ର ଅନୁଯାୟୀ , ଘରେ ପଳାଶ ଫୁଲ ଗଛ ଲଗାଇବା ଦ୍ୱାରା ସକରାତ୍ମକ ଶକ୍ତି ବୃଦ୍ଧି ପାଇଥାଏ । ଅନେକ ସମୟରେ ଏପରି ପରିସ୍ଥିତି ଉପୁଜି ଥାଏ ଯେ ଘରେ ଅଶାନ୍ତି ଦେଖା ଦିଏ , ପରିବାର ସଦସ୍ୟ ପରସ୍ପର ସହ କଳହ କରିଥାନ୍ତି ଏବଂ ପରସ୍ପର ବିପକ୍ଷରେ ରହନ୍ତି । ଯାହାଦ୍ୱାରା ଘରେ ସବୁବେଳେ ଅସନ୍ତୋଷ ପ୍ରକାଶ ପାଇଥାଏ । ତେବେ ଏହି ସବୁ ଜିନିଷ ସୂଚାଇଥାଏ ଯେ ଘରେ ନକାରାତ୍ମକତା ରହିଛି । ତେବେ ଯଦି ଆପଣଙ୍କ ଘରେ ମଧ୍ୟ ସମାନ ପରିସ୍ଥିତି ସୃଷ୍ଟି ହେଉଛି ତେବେ ବୁଝି ଯାଆନ୍ତୁ ଯେ ଆପଣଙ୍କ ଘରେ ନକରାତ୍ମକତା ରହିଛି । ତେଣୁ ଏଭଳି ପରିସ୍ଥିତିରେ ଘରେ ପଳାଶ ଫୁଲର ଏକ ଗୁଚ୍ଛା ରଖିବା ଜରୁରୀ ଅଟେ ।
୨ . ମାନସିକ ଚାପରୁ ମିଳିଥାଏ ମୁକ୍ତି :-
ବର୍ତ୍ତମାନ ସମୟରେ ଅଧିକାଂଶ ଲୋକ ମାନସିକ ଚାପ ଜନିତ ସମସ୍ୟାର ପୀଡିତ ହେଉଛନ୍ତି । ଲୋକଙ୍କ ଧ୍ୟାନ ଗୋଟିଏ ସ୍ଥାନରେ ସ୍ଥିର ରହିବାକୁ ସକ୍ଷମ ହେଉନାହିଁ । ତେବେ ଏପରି ସମସ୍ୟାରୁ ମୁକ୍ତି ପାଇବା ପାଇଁ ଲୋକମାନଙ୍କୁ ପଳାଶ ଫୁଲ ସହିତ ଜଡିତ କିଛି ଉପାୟ ଗ୍ରହଣ କରିବା ଉଚିତ୍ । ଏହି ଉପାୟ ଅନୁଯାୟୀ ଆପଣ ନିଜ ବେଡ଼ ନିକଟରେ କିମ୍ବା ତକିଆ ତଳେ ପଳାଶ ଫୁଲ ରଖି ଶୋଇବା ଉଚିତ୍ । ଆପଣ ନିଜ ଶୋଇବା କକ୍ଷରେ ପଳାଶ ଫୁଲ ଗୁଚ୍ଛ ରଖି ପାରିବେ । ଯାହାଦ୍ୱାରା ଆପଣଙ୍କ ଘରେ ସକରାତ୍ମକ ଶକ୍ତିର ପ୍ରଭାବ ବଢ଼ିବ ଏବଂ ମାନସିକ ଚାପ ଜନିତ ସମସ୍ୟା ମଧ୍ୟ ଦୂର ହୋଇଯିବ ।
୩ . ବଢ଼ିଥାଏ ମାତା ଲକ୍ଷ୍ମୀଙ୍କ କୃପା :-
ଏପରି କିଛି ଲୋକ ଅଛନ୍ତି ଯେଉଁମାନେ ସର୍ବଦା ଆର୍ଥିକ ସମସ୍ୟା କାରଣରୁ ଚିନ୍ତିତ ରହନ୍ତି । ଖୁବ ପରିଶ୍ରମ କରିବା ସତ୍ତ୍ୱେବି ଲୋକଙ୍କ ପକେଟରେ ଟଙ୍କା ସ୍ଥାୟୀ ହୋଇ ରହେ ନାହିଁ । ତେଣୁ ଏଭଳି ପରିସ୍ଥିତିରେ ଘରେ ପଳାଶ ଫୁଲ ଗଛ ଲଗାଇବା ଉଚିତ । ବାସ୍ତୁ ଶାସ୍ତ୍ର ଅନୁଯାୟୀ , ଯେଉଁ ଘରେ ପଳାଶ ଫୁଲ ଗଛ ଲଗାଯାଏ ସେହି ପରିବାର ଉପରେ ମାତା ଲକ୍ଷ୍ମୀଙ୍କ କୃପା ସର୍ବଦା ରହିଥାଏ ଏବଂ ସେହି ପରିବାରରେ କେବେ ଅର୍ଥର ଅଭାବ ଦେଖାଯାଏ ନାହିଁ । କୁହାଯାଏ ଯେ ଯେଉଁମାନେ ଶୁକ୍ରବାର ଦିନ ମା ଲକ୍ଷ୍ମୀଙ୍କ ମୂର୍ତ୍ତି ଉପରେ ପଳାଶ ଫୁଲ ଅର୍ପଣ କରନ୍ତି , ସେମାନଙ୍କୁ ଜୀବନରେ କେବେବି ଆର୍ଥିକ ସମସ୍ୟାର ସାମ୍ନା କରିବାକୁ ପଡିନଥାଏ ।
