ରୋହିତ ଶର୍ମା ସମସ୍ତଙ୍କ ପ୍ରିୟ । କେବେ ବି ନିଜ ପ୍ରଶଂସକଙ୍କୁ ନିରାଶ କରନ୍ତି ନାହିଁ ରୋହିତ । ସବୁବେଳେ ରୋହିତ ଚେଷ୍ଟା କରନ୍ତି କି, ପ୍ରଶଂସକଙ୍କ ସହିତ ଫଟୋ ଉଠାନ୍ତୁ କିମ୍ବା ଅଟୋଗ୍ରାଫ ଦିଅନ୍ତୁ । ଏପରି ସ୍ଥଳେ ମଙ୍ଗଳବାର ଦିନ ପୁଣେରେ ଏମିତି କିଛି ଦେଖିବାକୁ ମିଳିଛି । ଜଣେ ମହିଳା ଫ୍ୟାନ ରୋହିତ ଶର୍ମାଙ୍କ ଅଟୋଗ୍ରାଫ ନେବାକୁ ଚାହୁଁଥିବା ବେଳେ ରୋହିତ ତାଙ୍କୁ ନିରାଶ କରିନାହାନ୍ତି ।
ରୋହିତ ଶର୍ମାଙ୍କ ଜଣେ ମହିଳା ଫ୍ୟାନ କହିଥିଲେ, ରୋହିତ ଭାଇ ପ୍ଲିଜ ଏକ ଅଟୋଗ୍ରାଫ ଦିଅ । ରୋହିତ ତୁରନ୍ତ କହିଥିଲେ କି, ରୁହ ଏବେ ଯାଇ ଦେଉଛି । ରୋହିତ କହିଥିଲେ ବହୁତ ଭୋକ ଲାଗୁଛି । ଏହାପରେ ଅଟୋଗ୍ରାଫ ଦେଇଥିଲେ । ଅଟୋଗ୍ରାଫ ପରେ ମହିଳା ଜଣକ ଧନବାଦ ଜଣାଇବା ସହିତ ବିରାଟ ଭାଇଙ୍କ ବଡ ଫ୍ୟାନ ବୋଲି କହିଦେବାକୁ କହିଥିଲେ । ଏହା ଶୁଣି ରୋହିତ ଶର୍ମା ହସିଥିଲେ ଏବଂ କହିଥିଲେ ହଁ କହିଦେବି । ରୋହିତ ଶର୍ମା ପୁଣେ ମଇଦାନରୁ ଫେରୁଥିବା ସମୟରେ ମହିଳା ପ୍ରଶଂସକ ଜଣକ ଏଭଳି କହିଥିଲେ । ଯାହାର ଭିଡିଓ ଭାଇରଲ ହେବାରେ ଲାଗିଛି ।
