ଆମର ପ୍ରାଚୀନ ଗ୍ରନ୍ଥରେ ସ୍ଵାମୀ-ସ୍ତ୍ରୀଙ୍କୁ ଭଗବାନ ଶିବ ଓ ମାତା ପାର୍ବତୀଙ୍କର ରୂପ ମନାଯାଇଥାଏ। ଭଗବାନ ଶିବ ଓ ମାତା ଗୌରୀ ପରସ୍ପରର ପୂରକ ଅର୍ଥାତ ଅର୍ଦ୍ଧ ନାରୀଶ୍ଵର ଅଟନ୍ତି। ଠିକ ସେହିପରି ସ୍ଵାମୀ-ସ୍ତ୍ରୀ ମଧ୍ୟ ପରସ୍ପରର ଅର୍ଦ୍ଧାଙ୍ଗ ଅଟନ୍ତି। ସେଥିପାଇଁ ପତ୍ନୀଙ୍କୁ ଅର୍ଦ୍ଧାଙ୍ଗିନୀ କୁହାଯାଇଥାଏ। ବିବାହ ପରେ ପତ୍ନୀଙ୍କ ଭାଗ୍ୟ ମଧ୍ୟ ସ୍ଵାମୀଙ୍କ ସହ ଯୋଡି ହୋଇଥାଏ। ସ୍ତ୍ରୀଙ୍କ କର୍ମ, ଧର୍ମ ଓ ପୂଣ୍ୟ ଆଦିର ଫଳ ସ୍ଵାମୀଙ୍କୁ ମଧ୍ୟ ପ୍ରାପ୍ତ ହୋଇଥାଏ। ସେହିପରି ସ୍ତ୍ରୀଙ୍କ ଦ୍ଵାରା କରାଯାଇଥିବା ଭୁଲ କାର୍ଯ୍ୟର ଫଳ ମଧ୍ୟ ସ୍ଵାମୀଙ୍କୁ ସହିବାକୁ ପଡିଥାଏ। ଆମ ହିନ୍ଦୁ ସମାଜରେ ସ୍ତ୍ରୀଙ୍କୁ ଗୃହର ଲକ୍ଷ୍ମୀ ଓ ଅନ୍ନପୂର୍ଣା ବୋଲି ମାନଯାଇଥାଏ। କିନ୍ତୁ କିଛି ମହିଳାଙ୍କର ଖରାପ ଅଭ୍ଯାସ ତଥା କାର୍ଯ୍ୟ ପାଇଁ ଲକ୍ଷ୍ମୀ ରୁଷ୍ଠ ହୋଇ ଗୃହରୁ ଚାଲିଯାଇଥାନ୍ତି। ଏହିପରି ଗୃହରେ ତାଙ୍କର ଜ୍ୟେଷ୍ଠ ଭଉଣୀ ଅଲକ୍ଷ୍ମୀ ବାସ କରିଥାନ୍ତି। ଯଦି ଆପଣଙ୍କୁ ଏହିପରି ଭୁଲ କିଛି ଅନୁଭବ ହେଉଛି ତେବେ ଆପଣ ଏହି ଭୁଲକୁ ସୁଧାରି ନିଅନ୍ତୁ ଅନ୍ଯଥା ଆପଣଙ୍କୁ ମଧ୍ୟ ଏହାର ଅଶୁଭ ପରିଣାମ ସହିବାକୁ ପଡିବ। କାରଣ ଅଲକ୍ଷ୍ମୀଙ୍କ ଆସିବା କାରଣରୁ ଗୃହରେ କ୍ଲେଶ, ଦାରିଦ୍ର୍ଯତା ବଢିବାକୁ ଲାଗିଥାଏ। ଆସନ୍ତୁ ଜାଣିବା ଏହି ବିଷୟରେ।
ପ୍ରଥମ କାର୍ଯ୍ୟ:-
ଗୃହର ମହିଳାମାନଙ୍କୁ କେବେବି ସନ୍ଧ୍ଯା ସମୟରେ କେଶ ମୁକୁଳା କରି ରହିବା ଉଚିତ ନୁହେଁ। କିଛି ମହିଳାମାନଙ୍କର କୁଅଭ୍ଯାସ ରହିଥାଏ। ଏବଂ ସେମାନେ କେଶ ମୁକୁଳା କରି ଗୃହରେ ବୁଲିଥାନ୍ତି। କିନ୍ତୁ ଶାସ୍ତ୍ର ଅନୁସାରେ ଏହାକୁ ଭୁଲ ମନାଯାଇଥାଏ। ସନ୍ଧ୍ଯା ସମୟରେ କେଶ ମୁକୁଳା କରିବା ଦ୍ଵାରା ଗୃହକୁ ନକାରାତ୍ମକ ଉର୍ଜାର ପ୍ରବେଶ ହୋଇଥାଏ। ମାତା ଲକ୍ଷ୍ମୀ ଏହିପରି ଗୃହରେ କେବେ ମଧ୍ୟ ବାସ କରିନଥାନ୍ତି।
ଦ୍ଵିତୀୟ କାର୍ଯ୍ୟ:-
ଯଦି କେହି ମହିଳା ଗୃହର ମୁଖ୍ୟଦ୍ଵାରରେ ବସି କିଛି ଚର୍ଚ୍ଚା କରୁଥାନ୍ତି ତେବେ ଏହାକୁ ଅଶୁଭ ବୋଲି ମନାଯାଇଥାଏ। ଗୃହର ଦ୍ଵାରକୁ ଅବରୋଧ କରି ବସିବାକୁ ମଧ୍ୟ ଅଶୁଭ ବୋଲି ମନାଯାଏ। ମାତା ଲକ୍ଷ୍ମୀ ଆପଣଙ୍କ ମୁଖ୍ୟ ଦ୍ଵାର ଦେଇ ପ୍ରବେଶ କରିଥାନ୍ତି। ଏବଂ ମୁଖ୍ୟଦ୍ୱାରରେ ଅବରୋଧ କରିବା ଦ୍ଵାରା ମାତା ଲକ୍ଷ୍ମୀ ଫେରିଯାନ୍ତି ସେଥିପାଇଁ ଏହିପରି ଭୁଲ କରନ୍ତୁ ନାହିଁ। ଏହା ବ୍ଯତୀତ ଗୃହର ମୁଖ୍ୟଦ୍ଵାର ସର୍ବଦା ସ୍ଵଚ୍ଛ ଓ ସୁନ୍ଦର ରଖିବା ଉଚିତ। ଯାହା ଫଳରେ ମାତା ଲକ୍ଷ୍ମୀ ପ୍ରସନ୍ନ ହୋଇ ଆପଣଙ୍କ ଗୃହରେ ପ୍ରବେଶ କରିବେ।
ତୃତୀୟ କାର୍ଯ୍ୟ:-
