ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜ ସରିବା ପରେ ଭାରତୀୟ ଟିମ୍ ୪ଟି ମାଚ ବିଶିଷ୍ଟ ଟି୨୦ ସିରିଜ ଖେଳିବା ପାଇଁ ସାଉଥ ଆଫ୍ରିକା ଗସ୍ତ କରିବ । ପ୍ରଥମ ମ୍ୟାଚ ୮ ନଭେମ୍ବରରେ ଡରବନରେ ଖେଳାଯିବ । ଏହାପରେ ଦ୍ବିତୀୟ ଟି୨୦ ୧୦ ତାରିଖ ଏବଂ ୩ୟ ୧୩ ନଭେମ୍ବରରେ ଏବଂ ଶେଷ ଟି୨୦ ୧୫ ନଭେମ୍ବରରେ ଖେଳିବ ।
ତେବେ ଟିମ ସାଉଥ ଆଫ୍ରିକା ଗସ୍ତ ପୂର୍ବରୁ କୋଚ୍ ପରିବର୍ତ୍ତନ ହେବା ନେଇ ଖବର ଆସିଛି ।
ଭାରତୀୟ ଟିମର ମୁଖ୍ୟ କୋଚ ଗୌତମ ଗମ୍ଭୀର ଟିମ୍ ସହିତ ସାଉଥ ଆଫ୍ରିକା ଯିବେ ନାହିଁ । ଟିମ ସହିତ ଭିଭିଏସ ଲକ୍ଷ୍ମଣ ଯିବେ । ଭାରତୀୟ ଟିମ୍ ୪ ନଭେମ୍ବରରେ ସାଉଥ ଆଫ୍ରିକା ଗସ୍ତ କରିବାକୁ ଥିବା ବେଳେ ସିନିଅର ଟିମ ବର୍ଡର ଗାଭାସ୍କର ଟ୍ରଫି ପାଇଁ ୧୧ ନଭେମ୍ବରରେ ଅଷ୍ଟେ୍ରଲିଆ ଗସ୍ତ କରିବ । ତେଣୁ ଗମ୍ଭୀର ସିନିଅର ଟିମ ସହିତ ଅଷ୍ଟ୍ରେଲିଆ ଗସ୍ତ କରିବେ ।
ଗୌତମ ଗମ୍ଭୀରଙ୍କ ଅନୁପସ୍ଥିତିରେ ଭିଭିଏସ ଲକ୍ଷ୍ମଣ ଟି୨୦ ଟିମର ହେଡ କୋଚ ହେବେ । ବିସିସିଆଇ ଟି୨୦ ସିରିଜ ପାଇଁ ପୂର୍ବରୁ ଘୋଷଣା କରିନଥିଲା । କିନ୍ତୁ କ୍ରିକେଟ ସାଉଥ ଆଫ୍ରିକା ଓ ବିସିସିଆଇ ସହିତ ଆଲୋଚନା ପରେ ଏଭଳି ନିଷ୍ପତ୍ତି ନିଆଯାଇଛି ।
ସାଉଥ ଆଫ୍ରିକା ଟି୨୦ ସିରିଜ ପାଇଁ ଭାରତୀୟ ଟିମ୍ : ସୂର୍ଯ୍ୟକୁମାର ଯାଦବ ( ଅଧିନାୟକ), ଅଭିଷେକ ଶର୍ମା, ସଞ୍ଜୁ ସାମସନ(ୱିକେଟ କିପର), ରିଙ୍କୁ ସିଂ, ତିଳକ ବର୍ମା, ଜିତେଶ ଶର୍ମା, ହାର୍ଦ୍ଦିକ ପାଣ୍ଡା, ଅକ୍ଷର ପଟେଲ, ରମନଦୀପ ସିଂହ, ବରୁଣ ଚକ୍ରବର୍ତ୍ତୀ, ରବି ବିଷ୍ଣୋଇ, ଅର୍ଶଦୀପ ସିଂ, ବିଜୟକୁମାର ବୈଶାକ, ଆବେଶ ଖାନ, ୟଶ ଦୟାଲ ।
