ଦଶହଜାର ଟଙ୍କାରେ ପଶ୍ଚିମବଙ୍ଗରେ ବିକ୍ରି ହେଉଛି ଭାରତୀୟ ନାଗରିକତା: ନକଲି ଆଧାର ଓ ଭୋଟର କାର୍ଡ ତିଆରି କାରବାରର ଖୁଲାସା କଲା ପୁଲିସ

ନକଲି ଆଧାର କାର୍ଡ ତିଆରି କରାଯାଉଛି ଏବଂ କେବଳ ଏହାକୁ ୧୦ ହଜାର ଟଙ୍କାରେ ଦିଆଯାଉଛି। ଏହି ଆଧାରରେ ନେପାଳ ଏବଂ ବାଂଲାଦେଶୀମାନେ ଭାରତୀୟ ନାଗରିକ ପାଲଟିଯାଆନ୍ତି।

ମିଲିଟାରୀ ଇଣ୍ଟେଲିଜେନ୍ସର ସୂଚନା ଅନୁଯାୟୀ ନକଲି ଆଧାର କାର୍ଡ ତିଆରି କରୁଥିବା ବ୍ୟକ୍ତିଙ୍କୁ ପୋଲିସ ଗିରଫ କରିଛି। ଜାଲିଆତି ଅଭିଯୋଗରେ ଅଭିଯୁକ୍ତ ସଞ୍ଜୟ ସରକାରକୁ ଶନିବାର ସିଲିଗୁରି କୋର୍ଟରେ ହାଜର କରାଯାଇଥିଲା। ତାର ଜାମିନ ଆବେଦନ ପ୍ରତ୍ୟାଖ୍ୟାନ କରାଯାଇଥିଲା ଏବଂ ତାକୁ ପାଞ୍ଚ ଦିନ ରିମାଣ୍ଡରେ ନେଇ ପୋଲିସକୁ ହସ୍ତାନ୍ତର କରାଯାଇଥିଲା। ତାଙ୍କୁ ପଚରାଉଚରା କରିବା ପରେ ପୋଲିସ ଗ୍ୟାଙ୍ଗର ଅନ୍ୟ ସଦସ୍ୟଙ୍କୁ ଖୋଜିବାରେ ଲାଗିପଡ଼ିଛି। ଏହି ଦଲାଲ ମାନେ ପ୍ରତ୍ୟେକଙ୍କ ଠାରୁ ଦଶ ହଜାର ଲେଖାଏଁ ଟଙ୍କା ନେଇ ନେପାଳର ନାଗରିକଙ୍କ ପାଇଁ ଆଧାର କାର୍ଡ ତିଆରି କରିଥିଲେ।

ସୂଚନାନୁସାରେ, ସିଲିଗୁରି ନିକଟ ଫାନସିଦେବା ଅଞ୍ଚଳରେ ବାଂଲାଦେଶ ଏବଂ ନେପାଳର ଅନେକ ଲୋକଙ୍କର ଦୁଇଟି ଲେଖାଏଁ ନାଗରିକତା ପ୍ରମାଣପତ୍ର ରହିଛି। ଏହି ଅଞ୍ଚଳ ବାଂଲାଦେଶର ସୀମା ଅଟେ। ପୋଲିସ ମଧ୍ୟ ଜଣେ ବାଂଲାଦେଶୀକୁ ଧରିଛି ଏବଂ ତା’ଠାରୁ ଭାରତୀୟ ଆଧାର କାର୍ଡ ମିଳିଛି। ଜାଲିଆତି ଏବଂ ଠକେଇ ଅଭିଯୋଗରେ ଅଭିଯୁକ୍ତଙ୍କୁ କୋର୍ଟରେ ହାଜର କରାଯାଇଛି। ତା ଦୋକାନରୁ ଦୁଇଟି କମ୍ପ୍ୟୁଟର, ଚାରୋଟି ନକଲି ଆଧାର କାର୍ଡ, ମୋବାଇଲ୍ ଫୋନ୍ ଏବଂ ଅନ୍ୟାନ୍ୟ ଦଲିଲ ଜବତ କରାଯାଇଛି। ପ୍ରମାଣ ଆଧାରରେ ତଦନ୍ତ ଆଗକୁ ନିଆଯାଉଛି। ନକଲି ପାସପୋର୍ଟ ତିଆରି ମଧ୍ୟ ଅନୁସନ୍ଧାନ କରାଯାଉଛି, କିନ୍ତୁ ଏଥି ସହ ଜଡ଼ିତ କୌଣସି ପ୍ରମାଣ ମିଳିନାହିଁ ବୋଲି କହିଛନ୍ତି ନକ୍ସଲବାଡ଼ି ଏସଡିଓ ନେହା ଜୈନ।