ହାଇଦ୍ରାବାଦ: ଲୋକପ୍ରିୟ କଳାକାର ଶୋଭିତା ଧୁଲିପାଲା ଏବଂ ନାଗା ଚୈତନ୍ୟ ଡିସେମ୍ବର ୪ରେ ବିବାହ କରିଥିଲେ | ପାରମ୍ପାରିକ ରୀତିନୀତି ଅନୁଯାୟୀ ଏହି ଦମ୍ପତି ପତି-ପତ୍ନୀ ହୋଇଥିଲେ। ବିବାହ ପରେ ଏବେ ଶୋଭିତା ଓ ଚୈତନ୍ୟଙ୍କ ପୂର୍ବ ପତ୍ନୀ ସାମନ୍ଥା ରୁଥ ପ୍ରଭୁଙ୍କ ସମ୍ପତ୍ତିକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଶୋଭିତା ଧୁଲିପାଲାଙ୍କୁ ସାଉଥ ଫିଲ୍ମ ଇଣ୍ଡଷ୍ଟ୍ରି ଏବଂ ଓଟିଟି ପ୍ଲାଟଫର୍ମରୁ ପ୍ରକୃତ ସ୍ୱୀକୃତି ମିଳିଥିଲା | ସେ ‘ମେଡ୍ ଇନ୍ ହେବେନ’ ଏବଂ ‘ବାର୍ଡ ଅଫ୍ ବ୍ଲଡ୍’ ଭଳି ୱେବ ସିରିଜ୍ ପାଇଁ ଜଣାଶୁଣା। ଅଧିକ ଚଳଚ୍ଚିତ୍ର ନକରି ବି ଅଭିନେତ୍ରୀ କୋଟି କୋଟି ଟଙ୍କାର ମାଲିକାଣୀ ହୋଇପାରିଛନ୍ତି।
ସାଧାସିଧା ଜୀବନ ବଞ୍ଚୁଥିବା ଶୋଭିତା ଅଧିକ ଫିଲ୍ମ କରୁନଥିବାରୁ ତାଙ୍କ ପାରିଶ୍ରମିକ ବି କମ ରହିଛି। ନିଜର ପ୍ରତି ପ୍ରୋଜେକ୍ଟ ପାଇଁ ସେ ୭୦ଲକ୍ଷରୁ ୧କୋଟି ଟଙ୍କା ପର୍ଯ୍ୟନ୍ତ ଚାର୍ଜ କରନ୍ତି। ଯଦି ଆମେ ତାଙ୍କ ମୋଟ ସମ୍ପତ୍ତି ଦେଖିବା ତେବେ ସେ ମୋଟ ୭୦କୋଟିର ମାଲିକାଣୀ ଅଟନ୍ତି।
ନାଗାଙ୍କ ସହ ତାଙ୍କ ବିବାହ ଖବର ଆସିବା ପରଠାରୁ ଶୋଭିତାଙ୍କୁ ସୋସିଆଲ ମିଡିଆରେ ଅଭିନେତାଙ୍କ ପୂର୍ବତନ ପତ୍ନୀ ସାମନ୍ଥାଙ୍କ ସହ ତୁଳନା କରାଯାଉଛି। ବର୍ତ୍ତମାନ ଯଦି ଆମେ ଦୁହିଁଙ୍କ ରୋଜଗାର ବିଷୟରେ କଥା ହେବା, ତେବେ ସାମନ୍ଥା ଢ଼େର ଆଗରେ ରହିଛନ୍ତି। ନିକଟରେ ରିଲିଜ୍ ହୋଇଥିବା ୱେବ୍ ସିରିଜ୍ ସିଟାଡେଲ: ହନି ବନିରେ ନଜର ଆସିଥିଲେ ସାମନ୍ଥା। ଏହି ୱେବ ସିରିଜ୍ ପାଇଁ ତାଙ୍କୁ ୧୦କୋଟି ପାରିଶ୍ରମିକ ମିଳିଥିଲା।
ସାମନ୍ଥା ତାଙ୍କର ପ୍ରତ୍ୟେକ ଚଳଚ୍ଚିତ୍ର ପାଇଁ ୩.୫ରୁ ୪କୋଟି ଟଙ୍କା ପାରିଶ୍ରମିକ ନେଇଥାନ୍ତି | ଚଳଚ୍ଚିତ୍ର ସହିତ ସାମନ୍ଥା ବିଜ୍ଞାପନ କରି ମଧ୍ୟ ଟଙ୍କା ଆୟ କରନ୍ତି। ଅଭିନେତ୍ରୀ ପୁଷ୍ପା: ଦି ରାଇଜରେ ଥିବା ଆଇଟମ୍ ଗୀତ ପାଇଁ ୫କୋଟି ଟଙ୍କା ନେଇଥିଲେ ସାମନ୍ଥା। ଯଦି ଆମେ ତାଙ୍କ ମୋଟ ସମ୍ପତ୍ତି ଦେଖିବା ତେବେ ସାମନ୍ଥା ୧୦୧କୋଟି ଟଙ୍କାର ମାଲିକାଣୀ ଅଟନ୍ତି, ଯାହା ଶୋଭିତାଙ୍କଠାରୁ ଢ଼େର ଅଧିକ।
