ଉତ୍ତରପ୍ରଦେଶ : ଉତ୍ତରପ୍ରଦେଶ ପିଲଭିତ୍ ରେ ଏନକାଉଣ୍ଟର । ୩ ଖଲିସ୍ତାନୀ ଆତଙ୍କବାଦୀ ନିହତ । ୟୁପି ଓ ପଞ୍ଜାବ ପୋଲିସର ମିଳିତ ଅପରେସନ ବେଳେ ଏନକାଉଣ୍ଟର । ସେମାନଙ୍କ ନିକଟରୁ ୨ଟି ଏକେ-47 ଓ ୨ଟି ପିସ୍ତଲ ସହ ଅନ୍ୟ ମାରଣାସ୍ତ୍ର ଜବତ କରିଛି ପୋଲିସ ।
ପ୍ରଥମେ ପୋଲିସ ଉପରକୁ ଗୁଳିମାଡ଼ କରିଥିଲେ ୩ ଖଲିସ୍ତାନୀ ଆତଙ୍କବାଦୀ । ପୋଲିସର ପାଲଟା ଜବାବରେ ୩ଆତଙ୍କୀ ନିହତ ହୋଇଛନ୍ତି । ମୃତ ୩ ଆଙ୍କବାଦୀ ହେଲେ ଗୁରବିନ୍ଦର ସିଂହ, ଜସନପ୍ରିତ ସିଂହ ଏବଂ ବୀରେନ୍ଦ୍ର ସିଂହ। ସମସ୍ତ ଖଲିସ୍ତାନୀ କମାଣ୍ଡ ଫୋର୍ସର ସଦସ୍ୟ ।
ଗତ ଡିସେମ୍ବର ୧୯ ତାରିଖରେ ପଞ୍ଚାବ ଗୁରୁଦାସପୁରର ଏକ ପୋଲିସ ପୋଷ୍ଟ ଉପରେ ଗ୍ରେନେଡ ଓ ବୋମା ମାଡ଼ କରିଥିଲେ । ସେହିଦିନରୁ ଏମାନଙ୍କୁ ଖୋଜୁଥିଲା ପୋଲିସ । ଏମାନେ ପିଲିଭିତ ଅଞ୍ଚଳରେ ଉପସ୍ଥିତ ଥିବା ଜାଣିବା ପରେ ମିଳିତ ଅପରେସନ କରିଥିଲା ପୋଲିସ ।
