[ad_1]
ନିମଚ: ମଧ୍ୟପ୍ରଦେଶରେ ବିଧାନସଭା ନିର୍ବାଚନ ପୂର୍ବରୁ ବିଜେପିର ଜନ ଆଶୀର୍ବାଦ ଯାତ୍ରା ଉପରେ ପଥର ମାଡ଼ କରାଯାଇଥିବା ଖବର ଆସିଛି । ନିମୁଚର ମନସାରେ ଘଟିଛି ପଥର ମାଡ଼ ଘଟଣା । ରଥ ଉପରେ ବିଜେପି ନେତା କୈଳାସ ବିଜୟବର୍ଗୀୟ ଓ ମନ୍ତ୍ରୀ ମୋହନ ଯାଦବ ଥିବା ବେଳେ ପଥର ମାଡ଼ ହୋଇଥିଲା। ପଥର ମାଡ଼ରେ ରଥ ସମେତ ଅନେକ ଗାଡ଼ି କ୍ଷତିଗ୍ରସ୍ତ ହୋଇଛି। ଦଳର ରାଜ୍ୟ ସଭାପତି ଭିଡି ଶର୍ମା କହିଛନ୍ତି, ଏଭଳି ଘଟଣାରେ ଆମେ ଭୟଭୀତ ହୋଇ ଅଟକିବାକୁ ଯାଉନାହୁଁ।
ଆଜି ଜନ ଆଶୀର୍ବାଦ ଯାତ୍ରା ମନସା ବିଧାନସଭାର ରାଉଡି କୁଭି ଗାଁରେ ପହଞ୍ଚିବା ପରେ ଗ୍ରାମବାସୀ ଏହା ଉପରକୁ ପଥର ଫିଙ୍ଗିଥିଲେ। ଚିତା ପ୍ରକଳ୍ପରେ ବନ ବିଭାଗ ପକ୍ଷରୁ ଜମି ଅଧିଗ୍ରହଣ କୁ ନେଇ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି। ସେହି ଲୋକମାନେ ରଥଯାତ୍ରା ଉପରେ ପଥର ଫିଙ୍ଗିଛନ୍ତି। ଏଥିରେ ପାଖାପାଖି ଅଧା ଡଜନ ଗାଡି କ୍ଷତିଗ୍ରସ୍ତ ହୋଇଛି ।
ଏହି ଘଟଣା ପରେ ବିଜେପି ରାଜ୍ୟ ସଭାପତି ଭିଡି ଶର୍ମାଙ୍କ ବୟାନ ସାମ୍ନାକୁ ଆସିଛି । “ଆମ ଗସ୍ତରେ ବାଧା ସୃଷ୍ଟି କରିବାକୁ ଚେଷ୍ଟା କରାଯାଇଛି। କିନ୍ତୁ ଆମେ ଏଥିରେ ଭୟଭୀତ ହେବୁନାହିଁ । ଆବଶ୍ୟକ ପଡ଼ିଲେ ଆମେ ଚାଲି ଚାଲି ଯାତ୍ରା କରିବୁ। ରଥଯାତ୍ରା ଉପରେ ଯୋଜନାବଦ୍ଧ ଭାବେ ଆକ୍ରମଣ ହୋଇଥିଲା ବୋଲି ସେ କହିଛନ୍ତି ।
[ad_2]
