[ad_1]
ନୂଆଦିଲ୍ଲୀ : ଶୁଭାରମ୍ଭ ହେଲା`ସ୍କିଲ୍ ଇଣ୍ଡିଆ ଡିଜିଟାଲ୍’ । ନୂଆଦିଲ୍ଲୀର କୌଶଳ ଭବନରେ `ସ୍କିଲ୍ ଇଣ୍ଡିଆ ଡିଜିଟାଲ୍’ର ଶୁଭାରମ୍ଭ କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଭାରତର ଦକ୍ଷତା ବିକାଶ ମଡେଲକୁ ଆଜି ବିଶ୍ୱ ଅନୁକରଣ କରୁଛି ବୋଲି ନୂଆଦିଲ୍ଲୀ ସ୍ଥିତ କୌଶଳ ଭବନରେ ଫସ୍କିଲ୍ ଇଣ୍ଡିଆ ଡିଜିଟାଲ୍’ ପ୍ଲାଟଫର୍ମର ଶୁଭାରମ୍ଭ କରିବା ଅବସରରେ କହିଛନ୍ତି କେନ୍ଦ୍ର ଶିକ୍ଷା ଓ ଦକ୍ଷତା ବିକାଶ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ପ୍ଲାଟଫର୍ମକୁ ଶୁଭାରମ୍ଭ କରି ଶ୍ରୀ ପ୍ରଧାନ କହିଛନ୍ତି, ନିକଟରେ ସମାପ୍ତ ହୋଇଥିବା ଜି ୨୦ ବୈଠକରେ ୧୦ଟି ପ୍ରମୁଖ ପ୍ରସଙ୍ଗରେ ଆଲୋଚନା ହୋଇଥିଲା, ସେଥିମଧ୍ୟରୁ ବିଶ୍ୱ ସ୍କିଲ ଗ୍ୟାପ ଆନାଲିସିସ ଓ ଭାରତର ଡିଜିଟାଲ ପବ୍ଲିକ ଇନଫ୍ରାଷ୍ଟର୍କଚର ଉପରେ ଗୁରୁତ୍ୱ ଦେଆଯାଇଥିଲା । ଏହି ରାଷ୍ଟ୍ରସମୂହ ଭାରତର ଡିଜିଟାଲ ପଦକ୍ଷେପକୁ ପ୍ରଶଂସା କରିବା ସହ ଭାରତର ମଡେଲ ପ୍ରତି ବିଶ୍ୱ ଅନେକ ଆଶା ରଖିଛି । ଭାରତର ୟୁପିଆଇ, ଭିମ ଆପ, ଡିଜି ଲକର, ୱାନ ନେସନ ୱାନ କାର୍ଡ, ରାସନ କାର୍ଡ ପୋର୍ଟାବିଲିଟି, ଡ଼ିବିଟି, ଏକାଡେମିକ ବ୍ୟାଙ୍କ ଅଫ କ୍ରେଡିଟକୁ ଲୋକମାନେ ଭଲରେ ବୁଝିପାରିଛନ୍ତି । ଭାରତର ସ୍କିଲ ଇଣ୍ଡିଆ ଏକ ବ୍ରାଣ୍ଡ ହେବା ସହ ଜନଆନ୍ଦୋଳନ ହୋଇପାରିଛି ଓ ଶିଳ୍ପ ବିପ୍ଳବ ୪.୦ରେ ବିଶ୍ୱ ଭାରତର ଡିଜିଟାଲ ସ୍ପେସକୁ ଆଦୃତ କରିଛି । ଭାରତ ଡିଜିଟାଲ ଇନଫ୍ରାଷ୍ଟର୍କଚର ବିଶେଷ ଭାବରେ କମ ମୂଲ୍ୟରେ ପବ୍ଲିକ ଇନଫ୍ରାଷ୍ଟ୍ରକଚର ତିଆରି କରିବାରେ କିର୍ତ୍ତୀ ସ୍ଥାପନ କରିଛି । ବିଭିନ୍ନ ମନ୍ତ୍ରାଳୟ, ରାଜ୍ୟ, ଶିଳ୍ପ ସମୂହକୁ ଦକ୍ଷ ମାନବ ସମ୍ବଳ ଆବଶ୍ୟକ ରହିଅଛି ଓ ଭାରତକୁ କେବଳ ୫ ଟ୍ରିଲିୟନ ଡଲାର ଅର୍ଥନୀତି ଭାବରେ ଗଢିବା ଆମର ଲକ୍ଷ୍ୟ ରହିବ ସହ ବିଶ୍ୱର ବିକାଶ ବିଶ୍ୱରେ ମୁଦ୍ରାସ୍ଫୀତି ପ୍ରବନ୍ଧନ ପାଇଁ ଯଦି ସମାଜରେ ଦକ୍ଷ ମାନବ ସମ୍ବଳ ରହିବେ ତେବେ ଉତ୍ପାଦନ ବୃଦ୍ଧିପାଇବ । ଏହାକୁ ସମସ୍ତେ ବୁଝିପାରିଥିଲେ କିନ୍ତୁ ଭିନ୍ନ ଭିନ୍ନ ଶୈଳୀରେ କାର୍ଯ୍ୟ କରୁଥିଲେ । ଆଜି ଲୋକାର୍ପିତ ହୋଇଥିବା ସ୍କିଲ ଇଣ୍ଡିଆ ଡିଜିଟାଲ ପୋର୍ଟାଲରେ ସବୁକିଛି ଡିଜିଟାଲ ପ୍ଲାଟଫର୍ମର ଏକତ୍ରିତ ହୋଇଛି ।
[ad_2]
