‘ଚକ୍ ଦେ ଇଣ୍ଡିଆ’, ‘ମରଦାନୀ’, ‘ହାପି ନିଉ ଇୟର’ ଭଳି ଫିଲ୍ମରେ କାମ କରିଥିବା ରିଓ କପାଡିଆଙ୍କ ଦେହାନ୍ତ – Ibnodisha
[ad_1]
ମୁମ୍ବାଇ: ବଲିଉଡର ଲୋକପ୍ରିୟ ଅଭିନେତା ରିଓ କପାଡିଆଙ୍କ ଦେହାନ୍ତ। ଫିଲ୍ମ ‘ଚକ୍ ଦେ ଇଣ୍ଡିଆ’, ‘ମରଦାନୀ’, ‘ହାପି ନିଉ ଇୟର’, ‘ଦିଲ୍ ଚାହତା ହେ’ ଭଳି ଫିଲ୍ମରେ କାମ କରିଥିଲେ ଅଭିନେତା ରିଓ କପାଡିଆ। ସେପ୍ଟେମ୍ବର ୧୪ରେ ରିଓଙ୍କର ଦେହାନ୍ତ ହୋଇଥିବା ବେଳେ ତାଙ୍କ ବନ୍ଧୁ ଫୈଜଲ ମଲିକ୍ ଏହି ଖବରକୁ ନିଶ୍ଚିତ କରିଛନ୍ତି। ସେପ୍ଟେମ୍ବର ୧୫ରେ ଗୋରେଗାଓଁର ଶିବ ଧାମ ଶ୍ମଶାନରେ ତାଙ୍କର ଅନ୍ତିମ ସଂସ୍କାର କରାଯିବ। ଅଭିନେତା ତାଙ୍କ ପତ୍ନୀ ମାରିଆ ଫରାହ ଏବଂ ୨ପୁଅ ଅମନ୍ ଓ ବୀରଙ୍କ ସହ ରହୁଥିଲେ। ଏଭଳି ହଠାତ୍ ରିଓଙ୍କୁ ହରାଇ ତାଙ୍କ ପରିବାର ଭାଙ୍ଗିପଡ଼ିଥିବା କୁହାଯାଉଛି। ମୃତ୍ୟୁ ବେଳକୁ ରିଓଙ୍କୁ ୬୬ବର୍ଷ ବୟସ ହୋଇଥିଲା ବୋଲି ଜଣାପଡ଼ିଛି।
ତାଙ୍କ ଦେହାନ୍ତ ଖବର ସୁନିଶ୍ଚିତ କରି ରିଓଙ୍କ ଘନିଷ୍ଠ ବନ୍ଧୁ ଫୈଜଲ ମଲିକ କହିଛନ୍ତି, ବନ୍ଧୁଗଣ, ଅତ୍ୟନ୍ତ ଦୁଃଖର ସହ କହିବାକୁ ପଡ଼ୁଛି ଯେ ରିଓ କପାଡିଆ ଆମ ଗହଣରେ ଆଉ ନାହାଁନ୍ତି। ସେପ୍ଟେମ୍ବର ୧୪ ଦିନ ୧୨.୩୦ରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କର ଶେଷ ରୀତିନୀତି ଆସନ୍ତାକାଲି ଅର୍ଥାତ୍ ୧୫ ସେପ୍ଟେମ୍ବରରେ କରାଯିବ। ଅବଶିଷ୍ଟ ବିବରଣୀ ସନ୍ଧ୍ୟା ସୁଦ୍ଧା ପରିବାର ପକ୍ଷରୁ ଦିଆଯିବ।
ରିଓଙ୍କ ଫିଲ୍ମ କ୍ୟାରିୟରକୁ ଦେଖିବାକୁ ଗଲେ ସେ ଅନେକ ହିଟ୍ ଫିଲ୍ମରେ କାମ କରିଛନ୍ତି। କିଛି ବର୍ଷ ମଧ୍ୟରେ ସେ ‘ଖୁଦା ହାଫିଜ୍’, ‘ବିଗ୍ ବୁଲ୍’,‘ ଏଜେଣ୍ଟ ବିନୋଦ’ ଆଦି ବିଭିନ୍ନ ଚଳଚ୍ଚିତ୍ରରେ ନଜର ଆସିଥିଲେ। ନିକଟରେ ତାଙ୍କୁ ‘ମେଡ୍ ଇନ୍ ହେଭେନ ୨’ର ଏକ ଏପିସୋଡରେ ଦେଖିବାକୁ ମିଳିଥିଲା। ଫିଲ୍ମ ବ୍ୟତୀତ ଏହି ଅଭିନେତା ଟେଲିଭିଜନରେ ମଧ୍ୟ ଜଣେ ପ୍ରମୁଖ ଚେହେରା ଥିଲେ। ଧାରାବାହିକ ‘ସପ୍ନେ ସୁହାନେ ଲଡକପନ୍ କେ’ ଏବଂ’ ସିଦ୍ଧାର୍ଥ ତିୱାରୀ’ଙ୍କ ‘ମହାଭାରତ’ରେ ଗାନ୍ଧାରୀଙ୍କ ପିତାଙ୍କ ଭୂମକାରେ ଅଭିନୟ କରିଥିଲେ ରିଓ।
[ad_2]
