ଆଜି ଡିନରରେ ବନାନ୍ତୁ କଞ୍ଚା ଅଣ୍ଡା ଟମାଟୋ ରସା, ଅଣ୍ଡାର ଏମିତି ୟୁନିକ ଟେଷ୍ଟ ପୂର୍ବରୁ କେବେ ବି ପାଇନଥିବେ
ଆବଶ୍ୟକୀୟ ସାମଗ୍ରୀ
- କଞ୍ଚା ଅଣ୍ଡା
- ଟମାଟୋ ବଟା
- ପିଆଜ
- କଞ୍ଚାଲଙ୍କା
- ଧନିଆପତ୍ର
- ଭୃଷଙ୍ଗପତ୍ର
- ଗରମ ମସଲା
- ହଳଦୀଗୁଣ୍ଡ
- ଲଙ୍କାଗୁଣ୍ଡ
- ଅଦା
- ରସୁଣ
- ଜିରା
- କଞ୍ଚାଲଙ୍କା
- ତେଲ
- ସ୍ୱାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ
ପ୍ରଥମେ ଏକ ପ୍ୟାନ ବସାଇ ସେଥିରେ ଅଳ୍ପ ତେଲ ଗରମ କରନ୍ତୁ । ତାପରେ ସେଥିରେ ଜିରା ଫୁଟାଇ କଟା ପିଆଜ ପକାଇ ଭାଜନ୍ତୁ । ପିଆଜ ଟିକିଏ ଭାଜି ହୋଇଗଲା ପରେ ସେଥିରେ ଭୃସଙ୍ଗ ପତ୍ର ଧଣିଆ ପତ୍ର ପକାଇ ଦିଅନ୍ତୁ ତାପରେ ସେଥିରେ ଅଦା ରସୁଣ ଜିରା କଞ୍ଚାଲଙ୍କାକୁ ପେଷ୍ଟ କରି ପକାଇ ଦିଅନ୍ତୁ । ବର୍ତ୍ତମାନ ସେଥିରେ ଲଙ୍କାଗୁଣ୍ଡ, ହଳଦୀ ଗୁଣ୍ଡ, ଗରମ ମସଲା ଓ ଲୁଣ ପକାଇ ଭଲଭାବେ କଷନ୍ତୁ । ତାପରେ ସେଥିରେ ଟମାଟୋ ପ୍ୟୁରିକୁ ଅଧା ପକାଇ ଦିଅନ୍ତୁ । ଧ୍ୟାନ ରଖିବେ ସମ୍ପୂର୍ଣ ପକାଇବେ ନାହିଁ ଅଳ୍ପ ଶେଷ ପାଇଁ ମଧ୍ୟ ରଖିବେ । ଏହା ଭଲଭାବେ କଷି ହୋଇଗଲା ପରେ ସେଥିରେ ପାଣିଦେଇ ଫୁଟିବା ପାଇଁ ଛାଡ଼ିଦିଅନ୍ତୁ । ଏହା ଭଲଭାବେ ଫୁଟି ଆସିବା ପରେ ସେଥିରେ କଞ୍ଚାଅଣ୍ଡାକୁ ଧୀରେ ଭାଙ୍ଗି ପକାନ୍ତୁ । ସେହିପରି ଭାବେ ସମସ୍ତ ଅଣ୍ଡାକୁ ଭାଙ୍ଗି ଧୀରେ ଧୀରେ ମସଲାରେ ପକାଇ ଦିଅନ୍ତୁ । ତାପରେ କାମ ଆଁଚରେ ଏହାକୁ 10 ମିନିଟ ସିଝାନ୍ତୁ । ଏହା ଭାଲାଭବେ ସିଝିଗଲା ପରେ ସେଥିରେ ବଳକା ଟମାଟୋ ପ୍ୟୁରି ଏବଂ ଧନିଆପତ୍ର ପକାଇ ଦିଅନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କର ଅଣ୍ଡା ଟମାଟୋ ରସା ।
