[ad_1]
ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରାନାୱତ ଏବେ ନିଜର ଆଗାମୀ ଚଳଚ୍ଚିତ୍ର ‘ଚନ୍ଦ୍ରମୁଖୀ-୨’କୁ ନେଇ ଚର୍ଚ୍ଚାରେ ରହିଛନ୍ତି। ଆଗକୁ ଫିଲ୍ମ ରିଲିଜ୍ ହେବାକୁ ଥିବାରୁ ସେ ଏବେ ଫିଲ୍ମର ପ୍ରଚାର କରିବାରେ ବ୍ୟସ୍ତ। ତେବେ ‘ଚନ୍ଦ୍ରମୁଖୀ-୨’ର ପ୍ରଚାର ସମୟରେ ପ୍ରଭାସଙ୍କ ସହ କାମ କରିବା ନେଇ କଙ୍ଗନା ଦେଇଥିବା ପ୍ରତିକ୍ରିୟା ଏବେ ଚର୍ଚ୍ଚାରେ ରହିଛି।
ପ୍ରଭାସଙ୍କ ‘ଏକ ନିରଞ୍ଜନ’ରେ କାମ କରିଥିଲେ ଅଭିନେତ୍ରୀ କଙ୍ଗନା। ଫିଲ୍ମଟି ୨୦୦୯ରେ ରିଲିଜ୍ ହୋଇଥିଲା। ଏହାର ଦ୍ବିତୀୟ ଭାଗ ନିର୍ମାଣ ହେଲେ କଙ୍ଗନା, ପ୍ରଭାସଙ୍କ ସହ କାମ କରିବାକୁ ଚାହିବେ କି ବୋଲି ପ୍ରଶ୍ନ କରାଯିବାରୁ ଅଭିନେତ୍ରୀ କହିଥିଲେ, “ନିଶ୍ଚିତ ଭାବରେ ମୁଁ ପୁଣି ଥରେ କାମ କରିବାକୁ ପସନ୍ଦ କରିବି। ଏକ ପ୍ୟାନ୍ ଇଣ୍ଡିଆ ଷ୍ଟାର ଭାବରେ ସେ ଅବିଶ୍ୱସନୀୟ ସଫଳତା ପାଇଛନ୍ତି ଓ ତାଙ୍କ ସଫଳତା ପାଇଁ ମୁଁ ବହୁତ ଖୁସି। ଆମେ ଯେତେବେଳେ ‘ଏକ ନିରଞ୍ଜନ’ ଫିଲ୍ମ କରିଥିଲୁ ସେତେବେଳେ ଆମେ ଦୁହେଁ ବହୁତ ଛୋଟ ଥିଲୁ। ମୋର ମନେ ଅଛି ଯେ ସେ ମୋ ସହିତ ବହୁତ ଭଲ ବ୍ୟବହାର କରିଥିଲେ ଓ ସ୍ବାଦିଷ୍ଟ ଖାଦ୍ୟ ଖାଇବାକୁ ଦେଇଥିଲେ। ଏତେ ବର୍ଷ ପରେ ତାଙ୍କ ସହ କାମ କରିବାର ଓ ତାଙ୍କୁ ଦେଖା ହେବାର ସୁଯୋଗ ମିଳିଲେ ମୁଁ ଖୁସି ହେବି। “
[ad_2]
