[ad_1]
ମୁମ୍ବାଇ: ଟିଜର ଦେଲା ପ୍ରମାଣ। ପ୍ରଥମ ଦିନରେ ୧୦୦କୋଟି ଆୟ କରିବ ଟାଇଗର-୩। ସବୁବେଳେ ବଲିଉଡର ଟାଇଗର ସଲମାନ ଖାନଙ୍କ ଫିଲ୍ମକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରନ୍ତି। ଦୀପାବଳିକୁ ସ୍ୱତନ୍ତ୍ର କରିବା ପାଇଁ ସଲମାନ ଖାନ ଚଳିତ ବର୍ଷ ନିଜ ପ୍ରଶଂସକଙ୍କ ପାଇଁ ଫିଲ୍ମ ଟାଇଗର-୩ ନେଇ ଆସୁଛନ୍ତି। ଦୀପାବଳି ଅବସରରେ ରିଲିଜ୍ ହେବାକୁ ଥିବା ଫିଲ୍ମ ଟାଇଗର ୩ର ଟିଜର ଆଜି ରିଲିଜ୍ ହୋଇଛି। ଏଥିରେ ସଲମାନଙ୍କ ଆକ୍ସନ୍ ଦର୍ଶକଙ୍କ ମନ କିଣିଛି।
ଭିଡିଓରେ ଟାଇଗର ତଥା ସଲମାନ ଖାନ କହିଛନ୍ତି ଯେ, ସେ ୨୦ବର୍ଷ ଧରି ଭାରତକୁ ସୁରକ୍ଷା ଦେଇଛନ୍ତି। କିନ୍ତୁ ଏହାର ପ୍ରତିବଦଳରେ ତାଙ୍କୁ ଦେଶଦ୍ରୋହୀ କୁହାଯାଉଛି। ଏହି ଟିଜର ଦେଖିବା ପରେ ପ୍ରଶଂସକମାନେ ସୋସିଆଲ ମିଡିଆରେ ପ୍ରତିକ୍ରିୟା ପ୍ରକାଶ କରୁଛନ୍ତି। ଟିଜର ରିଲିଜ୍ ପରେ ପ୍ରଶଂସକମାନେ ଫିଲ୍ମର ବକ୍ସ ଅଫିସ ଆୟକୁ ନେଇ ବିଷୟରେ ପୂର୍ବାନୁମାନ କରିବା ଆରମ୍ଭ କରି ଦେଇଛନ୍ତି।
ଟିଜରରେ ଦେଖିବାକୁ ମିଳିଛି ଯେ, ଟାଇଗର ଏକ ଭିଡିଓ ରେକର୍ଡ କରି ନିଜ ବିଷୟରେ କହିବା ଆରମ୍ଭ କରୁଛନ୍ତି। ସେ କହୁଛନ୍ତି, “ମୋର ନାମ ଅବିନାଶ ସିଂ ରାଠୋର। କିନ୍ତୁ ତୁମ ସମସ୍ତଙ୍କ ପାଇଁ ମୁଁ ଟାଇଗର। ଭାରତର ସୁରକ୍ଷା ପାଇଁ ମୁଁ ୨୦ବର୍ଷ ଲଗାଇଦେଲି। ଏହାର ପ୍ରତିବଦଳରେ ମୁଁ କିଛି ମାଗି ନଥିଲି। କିନ୍ତୁ ଆଜି ମୁଁ ମାଗୁଛି। ଆଜି ତୁମ ସମସ୍ତଙ୍କୁ କୁହାଯାଉଛି ଯେ ଟାଇଗର ତୁମର ଶତ୍ରୁ। ଟାଇଗର ଜଣେ ଦେଶଦ୍ରୋହୀ। ଟାଇଗର ହେଉଛି ଶତ୍ରୁ ନଂ-୧। ଭାରତର ୨୦ବର୍ଷ ସେବା କରିବା ପରେ ବି ମୁଁ ମୋର ଚରିତ୍ର ପ୍ରମାଣପତ୍ର ମାଗୁଛି। ମୋ ପୁଅକୁ ମୁଁ ନୁହେଁ ଭାରତ କହିବ କି ତାଙ୍କ ବାପା କିଏ ଥିଲେ। ଦେଶଦ୍ରୋହୀ ନା ଦେଶପ୍ରେମୀ। ଯଦି ବଞ୍ଚିଲି ତେବେ ସେ ପୁନର୍ବାର ଆପଣଙ୍କ ସେବାରେ ଉପସ୍ଥିତ ରହିବି, ନଚେତ୍ ଜୟ ହିନ୍ଦ।”
जब तक टाइगर मरा नहीं, तब तक टाइगर हारा नहीं #TigerKaMessage #Tiger3 arriving in cinemas this Diwali. Releasing in Hindi, Tamil & Telugu. #KatrinaKaif | #ManeeshSharma | @yrf | #YRF50 | #YRFSpyUniverse pic.twitter.com/TXRz13oU30
— Salman Khan (@BeingSalmanKhan) September 27, 2023
ସଲମାନ ଏଭଳି କହୁଥିବାର ଟିଜର ରିଲିଜ ହେବାର କିଛି ସମୟ ପରେ ପ୍ରଶଂସକମାନେ ସୋସିଆଲ ମିଡିଆରେ ପ୍ରତିକ୍ରିୟା ଦେବା ଆରମ୍ଭ କରିଛନ୍ତି। ରିଲିଜର ପ୍ରଥମ ଦିନରେ ଫିଲ୍ମଟି ୧୦୦କୋଟି ଆୟ କରିବ ବୋଲି ଲୋକେ କହୁଥିବା ସହ ୨୦୨୩ରେ ରିଲିଜ୍ ହୋଇଥିବା ସବୁ ଫିଲ୍ମର ରେକର୍ଡ ସଲମାନ ଭାଙ୍ଗିବେ ବୋଲି ଦାବି କରିବା ଆରମ୍ଭ କରିଛନ୍ତି।
[ad_2]
