[ad_1]
ରାଉରକେଲା: ସହର ଭିତରକୁ ଦେଶୀ ମଦ ଚୋରାଚାଲାଣ କରୁଥିବାବେଳେ ଅବକାରୀ ପୁଲିସ ଅଭିଯୁକ୍ତକୁ ଗିରଫ କରିଛି। ଅଭିଯୁକ୍ତ ହେଉଛି ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ଟାଇଁସର ଗ୍ରାମର ମହମ୍ମଦ ଗ୍ୟାସଉଦ୍ଦିନ(୩୮)। ଅଭିଯୁକ୍ତ ପାଖରୁ ୩୮୦ ଲିଟର ଦେଶୀ ମଦ ଓ ମଦ ଚାଲାଣରେ ବ୍ୟବହୃତ ଅଟୋ(ଓଡି-୧୪-ଏ-୮୮୪୩) ଜବତ କରାଯାଇଛି। ଉଲ୍ଲେଖଯୋଗ୍ୟ, ଆଜି ପୂର୍ବାହ୍ନରେ ଅଭିଯୁକ୍ତ ଏକ ଅଟୋରେ ଦେଶୀ ମଦ ରାଉରକେଲା ସହର ଭିତରକୁ ଚାଲାଣ କରୁଥିବା ନେଇ ଅବକାରୀ ପୁଲିସ ସୂଚନା ପାଇଥିଲା। ପରେ ଅଭିଯୁକ୍ତକୁ ଗିରଫ କରିବାକୁ ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ତୁମରନ ଛକରେ ଜଗି ରହିଥିଲା। ଅଭିଯୁକ୍ତ ଅଟୋ ନେଇ ତୁମରନ ଛକ ପାର୍ ହେଉଥିବାବେଳେ ପୁଲିସ ଅଭିଯୁକ୍ତକୁ କାବୁ କରିନେଇଥିଲା।
[ad_2]
