[ad_1]
ଇସ୍ରାଏଲ : ଇସ୍ରାଏଲ ଉପରେ ଗାଜା ପଟିରୁ ପାଲେଷ୍ଟାଇନ ଆତଙ୍କୀ ଗୋଷ୍ଠୀ ‘ହମାସ’ର ଭୟାବହ ଆକ୍ରମଣର ଗୋଟିଏ ପରେ ଗୋଟିଏ ନିର୍ମମ ଚିତ୍ର ସାମ୍ନାକୁ ଆସିବାରେ ଲାଗିଛି । ଶୁକ୍ରବାର ରାତିରେ ଗାଜା ସୀମା ନିକଟବର୍ତ୍ତୀ ସ୍ଥାନରେ ଚାଲିଥିବା ଏକ ସାଂସ୍କୃତିକ କାର୍ଯ୍ୟକ୍ରମରେ ଅତର୍କୀତ ଆକ୍ରମଣ କରି ନରସଂହାର କରିଥିଲା ହମାସ ଆତଙ୍କବାଦୀ ଗୋଷ୍ଠୀ । ଶୁକ୍ରବାର-ଶନିବାର ମଧ୍ୟରାତ୍ରିରେ ସୁପରନୋଭା ମ୍ୟୁଜିକ ଫେଷ୍ଟିଭାଲ ନାମରେ ଏହି କାର୍ଯ୍ୟକ୍ରମ ଗାଜା ସୀମା ନିକଟବର୍ତ୍ତୀ ଇସ୍ରାଏଲ ଅଞ୍ଚଳରେ ଚାଲିଥିଲା । ଏଥିରେ ହଜାର ହଜାର ଇସ୍ରାଏଲୀ ନାଗରିକ ଅଂଶଗ୍ରହଣ କରିଥିଲେ । ମାତ୍ର ହଠାତ ଆତଙ୍କବାଦୀଙ୍କ ଏକ ଗୋଷ୍ଠୀ ସେଠାରେ ଆକ୍ରମଣ କରିଥିଲେ ।
ଏଥିରେ ଶତାଧିକ କାର ଜଳିଯାଇଥିବା ବେଳେ ବହୁ ଲୋକ ନିହତ ହୋଇଥିଲେ । ଏବେ ସୁଦ୍ଧା ଅତିକମରେ ୨୬୦ ମୃତଦେହ ଉଦ୍ଧାର ହୋଇଛି । ଇହୁଦୀ ଧର୍ମାବଲମ୍ବୀଙ୍କର ଛୁଟିଦିନ ଅବସରରେ ଶୁକ୍ରବାର ରାତିରେ ଏହି ସାଂସ୍କୃତିକ କାର୍ଯ୍ୟକ୍ରମର ଆୟୋଜନ ହୋଇଥିଲା । ତେବେ ହଜାର ହଜାର ଲୋକେ ଏଥିରେ ଅଂଶଗ୍ରହଣ କରିଥିବା ବେଳେ ଆକ୍ରମଣ ପରେ ସେମାନଙ୍କ ମଧ୍ୟରୁ ଅନେକଙ୍କ ପତ୍ତା ବର୍ତ୍ତମାନ ସୁଦ୍ଧା ମିଳିପାରିନାହିଁ । ଇସ୍ରାଏଲୀ ଉଦ୍ଧାରକାରୀ ଟିମ ବର୍ତ୍ତମାନ ସୁଦ୍ଧା କାର୍ଯ୍ୟକ୍ରମ ସ୍ଥଳ ଓ ଆଖପାଖ ସ୍ଥାନରୁ ପ୍ରାୟ ୨୬୦ ମୃତଦେହ ଉଦ୍ଧାର କରିଥିବା ବେଳେ ଅଧିକାଂଶ ଅଂଶଗ୍ରହଣକାରୀ ଏବେ ମଧ୍ୟ ନିଖୋଜ ଅଛନ୍ତି । କାର୍ଯ୍ୟକ୍ରମ ସ୍ଥଳର ଏକାଧିକ ଭିଡିଓ ଏବେ ସାମ୍ନାକୁ ଆସିବାରେ ଲାଗିଛି ।
ଯେଉଁଥିରେ ଆକ୍ରମଣ ଅତି ଭୟଙ୍କର ହୋଇଥିବା ନେଇ ସ୍ପଷ୍ଟ ଦୃଶ୍ୟମାନ ହେଉଛି । ପାର୍କିଂ ହୋଇଥିବା ଶତାଧିକ କାର ମଧ୍ୟ ଜଳିଯାଇଛି । କାର୍ଯ୍ୟକ୍ରମ ସ୍ଥଳରେ ମୃତଦେହଗୁଡକ ବିକ୍ଷିପ୍ତ ହୋଇ ପଡିଛି । କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ଜଣେ ପ୍ରତ୍ୟେକ୍ଷଦର୍ଶୀଙ୍କ କହିବା ଅନୁସାରେ, ଆତଙ୍କବାଦୀଙ୍କ ଏକ ଗୋଷ୍ଠୀ ହଠାତ୍ କାର୍ଯ୍ୟକ୍ରମ ସ୍ଥଳରେ ପ୍ରବେଶ କରିବା ଲୋକଙ୍କ ଉପରେ ଅତର୍କୀତ ଗୁଳିମାଡ ଆରମ୍ଭ କରିଥିଲେ । ଲେକେ ପ୍ରାଣ ବିକଳରେ ଧାଇଁବାରେ ଲାଗିଥିଲେ । ସେ କିଛି ସହଯୋଗୀଙ୍କ ସହ ନିକଟରେ ପାର୍କିଂ ହୋଇଥିବା ଏକ ବସରେ ଲୁଚି ଯାଇଥିଲେ । ସେ ତାଙ୍କ ଆଖି ଆଗରେ ବହୁଲୋକଙ୍କୁ ହତ୍ୟା କରାଯିବାର ଦେଖିଛନ୍ତି । କୌଣସି ପ୍ରକାର ସେମାନେ ଲୁଚିଥିବା ବସ ଆତଙ୍କୀଙ୍କ ଦୃଷ୍ଟିରୁ ବର୍ତ୍ତିଯାଇଥିଲା । ଫଳରେ ସେମାନେ ମଧ୍ୟ ମୃତ୍ୟୁମୁଖରୁ ବର୍ତ୍ତିଯାଇଥିଲେ । ଏବେ ସୁଦ୍ଧା ଇସ୍ରାଏଲର ବିଭିନ୍ନ ସ୍ଥାନରେ ମୃତ୍ୟୁସଂଖ୍ୟା ପ୍ରାୟ ୬୦୦ରୁ ଅଧିକ ହେବା ନେଇ କୁହାଯାଉଛି ।
[ad_2]
