[ad_1]
ମୁମ୍ବାଇ: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଫ୍ରାଞ୍ଚାଇଜ୍ ଲକ୍ଷ୍ନୌ ସୁପର ଜାଇଣ୍ଟସ୍ (ଏଲ୍ଏସ୍ଜି) ଶୁକ୍ରବାର ୱେଷ୍ଟଇଣ୍ଡିଜ୍ ଅଲରାଉଣ୍ଡର ରୋମାରିଓ ଶେଫର୍ଡଙ୍କୁ ମୁମ୍ବାଇ ଇଣ୍ଡିଆନ୍ସ (ଏମ୍ଆଇ)କୁ ଟ୍ରେଡ୍ କରିଛି । ଆଇପିଏଲ୍ ମିଡିଆ ଆଡଭାଇଜରି ପକ୍ଷରୁ ଜାରି କରାଯାଇଥିବା ରିପୋର୍ଟରେ ଦର୍ଶାଯାଇଛି କି, ଶେଫର୍ଡଙ୍କ ବେସ୍ ପ୍ରାଇସ୍ ୫୦ ଲକ୍ଷ ଟଙ୍କାରେ ତାଙ୍କର ବଣ୍ଡିଂ କରାଯାଇଛି । ରୋମାରିଓ ଶେଫର୍ଡ ଆଗାମୀ ସିଜନ ପାଇଁ ମୁମ୍ବାଇ ଇଣ୍ଡିଆନ୍ସରେ ସାମିଲ ହେବେ । ଆଇପିଏଲ୍ ୨୦୨୪ ପୂର୍ବରୁ ଚାଲିଥିବା ଆଇପିଏଲ୍ ଟ୍ରେଡିଂ ସମୟରେ ଏହି କାର୍ଯ୍ୟ କରାଯାଇଛି ।
ଆଇପିଏଲରେ ୪ଟି ମ୍ୟାଚ୍ ଖେଳିଥିବା ଶେଫର୍ଡଙ୍କୁ ୫୦ ଲକ୍ଷ ଟଙ୍କାରେ ମୁମ୍ବାଇ ଇଣ୍ଡିଆନ୍ସ କିଣିଛି । ଶେଫର୍ଡ ଆଇପିଏଲରେ ୪ଟି ମ୍ୟାଚରୁ ୧୩୮.୧ ଷ୍ଟ୍ରାଇକ୍ ରେଟ୍ ସହିତ ୧୯.୩ ହାରରେ ୫୮ ରନ୍ କରିଛନ୍ତି । ବୋଲିଂକୁ ଲକ୍ଷ୍ୟ କଲେ ସେ ୧୦.୮୮ ଇକୋନୋମିରେ ୩ଟି ୱିିକେଟ୍ ନେଇଛନ୍ତି । ମୋଟ ଉପରେ ଟି-୨୦ରେ ଶେଫର୍ଡ ୩୧ ମ୍ୟାଚ୍ ଖେଳି ୩୭.୬ ହାର ଓ ୧୫୩.୬ ଷ୍ଟ୍ରାଇକ୍ ହାରରେ ୩୦୧ ରନ୍ କରିଛନ୍ତି । ବୋଲିଂରେ ସେ ୩୧ ୱିକେଟ୍ ଅକ୍ତିଆର କରିଛନ୍ତିି । ମୁମ୍ବାଇର ନୂଆ ବୋଲିଂ କୋଚ୍ ଭାବେ ଶ୍ରୀଲଙ୍କାର ଲସିଥ୍ ମାଲିଙ୍ଗାଙ୍କୁ ଗତ ମାସରେ ଘୋଷଣା କରାଯାଇଥିଲା । ମାଲିଙ୍ଗା ଏବେ ନ୍ୟୁଜିଲାଣ୍ଡର ଦ୍ରୁତ ବୋଲର ସେନ୍ ବଣ୍ଡଙ୍କ ସ୍ଥାନ ନେବେ । ବଣ୍ଡ ୯ବର୍ଷ ହେବ ମୁମ୍ବାଇ ଇଣ୍ଡିଆନ୍ସ ବୋଲିଂ କୋଚ୍ ରହିଥିଲେ ।
[ad_2]
