[ad_1]
ନୂଆଦିଲ୍ଲୀ: ଗାଜାରେ ଆକ୍ରମଣ ଜାରି ରଖିଛି ଇସ୍ରାଏଲ୍ । ଅକ୍ଟୋବର ୭ ତାରିଖରେ ହମାସ ପ୍ରଥମେ ଟାର୍ଗେଟ୍ କରିବା ପରେ ଇସ୍ରାଏଲ ପୂରା ଗାଜାପଟିର ଭୂଗୋଳ ପରିବର୍ତ୍ତନ କରିବାରେ ଲାଗିପଡ଼ିଛି । ଶନିବାର ଗାଜା ଉପରେ ଭୟଙ୍କର ଏୟାରଷ୍ଟ୍ରାଇକ୍ କରିଛି ଇସ୍ରାଏଲ୍ । ଏଥିରେ ୧୪ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ପାଲେଷ୍ଟାଇନ୍ ମିଡିଆରେ ଏନେଇ ଖବର ପ୍ରକାଶ ପାଇଛି ।
ଏହା ପୂର୍ବରୁ ଆମେରିକା ଗାଜା ଉପରେ ସେନା କାର୍ଯ୍ୟାନୁଷ୍ଠାନ ବନ୍ଦ କରି ହମାସ ନେତାଙ୍କୁ ବାଛି ବାଛି ମାରିବାକୁ ଇସ୍ରାଏଲ୍କୁ କହିଥିଲା । ହେଲେ ଇସ୍ରାଏଲ କିନ୍ତୁ ଗାଜାର ନକ୍ସ ବଦଳାଇ ଦେବା ଜିଦ୍ରେ ଅଟଳ ରହିଛି । ଶନିବାର କରିଥିବା ଏୟାର ଷ୍ଟ୍ରାଇକ୍ରେ ଜାବଲିଆର ଓଲ୍ଡ ଗାଜା ଷ୍ଟ୍ରିଟ୍ରେ ଥିବା ଦୁଇଟି ଘର ଉପରେ ମାଡ଼ ହୋଇଛି । ଆକ୍ରମଣରେ ୧୪ ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ୱାଫା ନ୍ୟୁଜ୍ ପକ୍ଷରୁ ଏହି ସୂଚନା ମିଳିଛି । ଏହି ଏୟାର ଷ୍ଟ୍ରାଇକ୍ରେ ଏକାଧିକ ଧ୍ୱଂସସ୍ତୁପ ତଳେ ଚାପି ହୋଇ ରହିଥିବା ରିପୋର୍ଟରେ କୁହାଯାଇଛି । ଗାଜାର ଖାନ ୟୁନିସରେ ଥିବା ଦୁଇଟି ସ୍କୁଲ୍ରେ ହମାସ ଆତଙ୍କବାଦୀମାନେ ଲୁଚି ରହିଥିଲେ । ସେମାନଙ୍କୁ ଟାର୍ଗେଟ୍ କରି ଏୟାର ଷ୍ଟ୍ରାଇକ୍ କରାଯାଇଛି ବୋଲି ଇସ୍ରାଏଲ ମିଲିଟାରି କହିଛି ।
[ad_2]
