[ad_1]
ଭୁବନେଶ୍ୱର: ପାଗ ଭିଡୁଛି କଂଗ୍ରେସ । ତିଆରି କରିଛି ନୂଆ ରଣନୀତି । ୨୦୨୪ ମୁକାବିଲା ପାଇଁ ହେଉଛି ସଜବାଜ । ଏକାଧିକ ରାଜ୍ୟରେ ବଦଳାଇଛି ପ୍ରଭାରୀ । ଓଡ଼ିଶା ବି ସେଥିରୁ ବାଦ ଯାଇନି । ପ୍ରଦେଶ କଂଗ୍ରେସ ନେତା ଦିଲ୍ଲୀରୁ ଫେରିବାର ଗୋଟିଏ ଦିନ ପରେ ହୋଇଛି ଏପରି ପରିବର୍ତ୍ତନ ।
କର୍ଣ୍ଣାଟକ ନିର୍ବାଚନ ପରେ ଦଳର ଯେଉଁ ଜୋସ ଥିଲା ତାହା ଆଉ ଏବେ ନାହିଁ । ମଧ୍ୟପ୍ରଦେଶ, ଛତିଶଗଡ,ରାଜସ୍ଥାନରେ ସତ୍ତା ହରାଇବା ପରେ କଂଗ୍ରେସ ଶିବିରରେ ଆରମ୍ଭ ହୋଇଥିଲା ଅଙ୍କକଷା । ତିଆରି ହେଉଥିଲା ରଣନୀତି । ଆଉ ଶନିବାର ଦେଖିବାକୁ ମିଳିଥିଲା ଏହାର ଚୂଡାନ୍ତ ଫଳ ।
ତିନି ରାଜ୍ୟରେ ପରାଜିତ ହେବା ପରେ ଗଡ ସଜାଡିବାକୁ ଆରମ୍ଭ କରିଛି ଦଳ । ଓଡ଼ିଶା ପ୍ରଭାରୀ ଥିବା ଚେଲ୍ଲା କୁମାରଙ୍କୁ ହଟାଇ ତାଙ୍କ ବଦଳରେ ଓଡ଼ିଶା ଦାୟିତ୍ୱ ଦିଆଯାଇଛି ଡକ୍ଟର ଅଜୟ କୁମାରଙ୍କୁ । ଡ. ଅଜୟ କୁମାର ଝାଡଖଣ୍ଡର ନେତା ଓ ସେ ଝାଡଖଣ୍ଡ ପ୍ରଦେଶ କଂଗ୍ରେସ କମିଟି ସଭାପତି ଥିଲେ । ସେ ଓଡ଼ିଶା ସମେତ ତାମିଲନାଡୁ ଓ ପୁଡୁଚେରୀର ଅତିରିକ୍ତ ଦାୟିତ୍ୱରେ ମଧ୍ୟ ରହିବେ । ଡକ୍ଟର ଅଜୟ ପୂର୍ବରୁ ସିକିମ, ତ୍ରିପୁରା, ନାଗାଲାଣ୍ଡର ପ୍ରଭାରୀ ମଧ୍ୟ ଥିଲେ । ଏହାବ୍ୟତୀତ ସେ ଜାମସେଦପୁର ସାଂସଦ ମଧ୍ୟ ଥିଲେ ।
[ad_2]
