[ad_1]
ନୀଳଗିରି:୨ଟି କାର ମୁହାଁମୁହିଁ ଧକ୍କା ହେବାରୁ ଜଣେ ମହିଳା ବଙ୍ଗୀୟ ପର୍ଯ୍ୟଟକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୪ଜଣ ପର୍ଯ୍ୟଟକ ଗୁରୁତର ହୋଇ ବାଲେଶ୍ୱର ଡାକ୍ତରଖାନାରେ ଚିକିତ୍ସିତ ହେଉଛନ୍ତି । କଲକାତା ପାର୍କଷ୍ଟ୍ରିଟ ନିକଟ ନିଉ ମାର୍କେଟ ଅଞ୍ଚଳର କେତେଜଣ ବଙ୍ଗୀୟ ପର୍ଯ୍ୟଟକ ଏକ କାରରେ ନୀଳଗିରିର ପଞ୍ଚଲିଙ୍ଗେଶ୍ୱର ଅଞ୍ଚଳ ପରିଭ୍ରମଣ କରି ମୟୂରଭଞ୍ଜ ଜିଲା ଉଦଳା ନିକଟସ୍ଥ ଦେବକୁଣ୍ଡକୁ ବୁଲିବାକୁ ଯାଉଥିଲେ । ଅପରାହ୍ନରେ ନୀଳଗିରି-ଉଦଳା ପୂର୍ତ୍ତ ରାସ୍ତାର କଳାକାଦ ପ୍ରାଥମିକ ସ୍କୁଲ ସମ୍ମୁଖରେ ଅପରପକ୍ଷରୁ ଆସୁଥିବା ଏକ କାରଟି ସେମାନଙ୍କୁ ଧକ୍କା ଦେଇଥିଲା ।
ଦୁର୍ଘଟଣାସ୍ଥଳରେ ଉକ୍ତ କାରରେ ବସିଥିବା ସହଦେବ ଦାସଙ୍କ ସ୍ତ୍ରୀ ପୂରବୀ(୪୨), ଶ୍ରେୟାସୀ ଦାସଙ୍କ ପୁଅ ଯାଦବ(୫୩), ଗୋପାଲ ଦାସଙ୍କ ସ୍ତ୍ରୀ ମୋନିକା(୭୫), ଯାଦବ ଦାସଙ୍କ ସ୍ତ୍ରୀ ପରମିତା (୪୨) ଓ ଅଶୋକ ଚାଟାର୍ଜୀଙ୍କ ପୁଅ ଝଣ୍ଟୁ(୪୪) ଗୁରୁତର ହୋଇ ପଡ଼ିଥିଲେ । ସ୍ଥାନୀୟଲୋକେ ସେମାନଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ଉଦ୍ଧାର କରି ପ୍ରଥମେ ନୀଳଗିରି ଓ ପରେ ବାଲେଶ୍ୱର ଡାକ୍ତରଖାନାକୁ ସ୍ଥାନାନ୍ତର କରିଥିଲେ । ପୂରବୀଙ୍କ ଅବସ୍ଥା ସଙ୍କଟ୍ଟାପନ୍ନ ହେବାରୁ ତାଙ୍କୁ ବାଲେଶ୍ୱରରୁ କଟକ ବଡ଼ଡାକ୍ତରଖାନାକୁ ସ୍ଥାନାନ୍ତର କରାଯାଉଥିବା ସମୟରେ ସୋର ନିକଟରେ ତାଙ୍କ ପ୍ରାଣବାୟୁ ଉଡ଼ିଯାଇଛି।
[ad_2]
