[ad_1]
ଗଜପତି : ଗଜପତି ଜିଲ୍ଲା ଚମ୍ପା ଘାଟିରେ ଏକ ପିକ୍ଅପ୍ ଭ୍ୟାନ୍ ଓଲଟି ପଡ଼ିବାରୁ ୨୧ ଜଣ ଛାତ୍ର ଆହତ ହୋଇଛନ୍ତି। ଆହତ ଛାତ୍ରମାନେ ଆର୍. ଉଦୟଗିରି ବ୍ଲକ୍ ଅନ୍ତର୍ଗତ ଛେଳିଗଡ଼ ହାଇସ୍କୁଲର। ଆହତ ଛାତ୍ରଙ୍କ ମଧ୍ୟରୁ ୧୪ ଜଣଙ୍କୁ ଆର୍. ଉଦୟଗିରି ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ୭ ଜଣଙ୍କୁ ଚନ୍ଦ୍ରଗିରି ଡାକ୍ତରଖାନାରେ ଭର୍ତ୍ତି କରାଯାଇଛି। ଆହତଙ୍କ ମଧ୍ୟରୁ ତିନି ଜଣଙ୍କ ହାଡ଼ ଫ୍ରାକ୍ଚର ହୋଇଛି। ଏହି ଛାତ୍ରମାନେ ଗତକାଲି ଆର.ଉଦୟଗିରିରେ ଯୁବ ଓଡ଼ିଶା-ନବୀନ ଓଡ଼ିଶା କାର୍ଯ୍ୟକ୍ରମ ଅଧୀନରେ ଆୟୋଜିତ କ୍ରୀଡ଼ା ଉତ୍ସବରେ ଯୋଗ ଦେଇ ଫେରୁଥିବା ବେଳେ ଦୁର୍ଘଟଣା ଘଟିଥିଲା। ପିକ୍ଅପ୍ ଭ୍ୟାନ୍ରେ ଥିବା ସମସ୍ତ ୨୧ ଜଣ ଛାତ୍ର ଏହି ଦୁର୍ଘଟଣାରେ ଆହତ ହୋଇଛନ୍ତି।
[ad_2]
