[ad_1]
ମୁମ୍ବାଇ: ମୁମ୍ବାଇର ଡୋମ୍ବିଭଲି ଲୋଢ଼ା ଫେଜ୍-୨ ଖୋନା ଏଷ୍ଟ୍ରେଲା ଟାୱାର ନାମକ ଏକ ବହୁତଳ ପ୍ରାସାଦରେ ବଡ଼ଧରଣର ଅଗ୍ନିକାଣ୍ଡ ସଂଘଠିତ ହୋଇଥିବା ସମ୍ପର୍କରେ ସୂଚନା ମିଳିଛି । ରିପୋର୍ଟ ଅନୁସାରେ ବିଲ୍ଡିଂରେ ଲାଗିଥିବା ନିଆଁକୁ ଲିଭାଇବା ପାଇଁ ଅଗ୍ନିଶମ ବିଭାଗର ୩ଟି ୟୁନିଟ୍ ମିଳିତ ଭାବେ ଅପରେସନ୍ କରିଥିଲେ । ତେବେ ନିଆଁଲିଭା ହେବା ବେଳକୁ ଏହି ବୃହତ୍ ଅଟ୍ଟାଳିଆର ପ୍ରାୟ ୬ ମହଲା ସମ୍ପୂର୍ଣ୍ଣ ପୋଡିଯାଇଥିବା କୁହାଯାଇଛି ।
ପ୍ରାରମ୍ଭିକ ଭାବେ ଶର୍ଟସର୍କିଟ୍ ଯୋଗୁ ନିଆଁ ଲାଗିଥିବା କୁହାଯାଉଥିଲେ ମଧ୍ୟ ଏନେଇ ତଦନ୍ତ ଆରମ୍ଭ କରିଛି ପୁଲିସ । ନିଆଁ ଲାଗିବା ପରେ ବିଲ୍ଡିଂରେ ରହୁଥିବା ଲୋକେ ନିଜ ପରିବାର ସଦସ୍ୟଙ୍କ ସହ ବାହାରକୁ ଚାଲିଆସିଥିଲେ । ତେବେ ଏମାନଙ୍କୁ ଏବେ ସୁରକ୍ଷିତ ଭାବେ ଅନ୍ୟତ୍ର ସ୍ଥାନାନ୍ତର କରାଯାଇଛି । ଅଗ୍ନିକାଣ୍ଡ ଘଟଣାରେ କେହି ମୃତାହତ ହୋଇନଥିବା ସ୍ଥାନୀୟ ପୁଲିସ୍ ସ୍ପଷ୍ଟ କରିଛି । ପ୍ରକାଶ କିଛି ଦିନ ପୂର୍ବେ ମୁମ୍ବାଇର ଗିରଗାଁଓ ଚୌପାଟୀ ଅଞ୍ଚଳରେ ଥିବା ଏକ ବହୁତଳ ଅଟ୍ଟାଳିକାରେ ମଧ୍ୟ ଏପ୍ରକାର ଭୟାବହ ଅଗ୍ନିକାଣ୍ଡ ଘଟି କିଛି ଲୋକ ପ୍ରାଣ ହରାଇଥିଲେ ।
[ad_2]
