[ad_1]
ଇସ୍ଲାମାବାଦ୍: ବାଲୋଚିସ୍ତାନ ପ୍ରଦେଶରେ ଥିବା ‘ଜୈଶ୍ ଉଲ୍-ଅଦଲ୍’ ଆତଙ୍କବାଦୀ ସଙ୍ଗଠନର ଦୁଇଟି ମୁଖ୍ୟ ଆଡ଼ା ଉପରେ ଇରାନ୍ ଯେଉଁ ଆକ୍ରମଣ କରିଥିବା କଥା କହୁଛି ସେଥିରେ ୨ଜଣ ପିଲାଙ୍କର ମୃତ୍ୟୁ ଘଟିଛି ଓ ୩ଜଣ ବାଳିକା ଆହତ ହୋଇଛନ୍ତି ବୋଲି ଆଜି ପାକିସ୍ତାନ କହିଛି। ପାକିସ୍ତାନର ରାଷ୍ଟ୍ରାୟାତ ଗଣମାଧ୍ୟମ ରିପୋର୍ଟ କରିଛି, ଇରାନ୍ର ‘ଇସ୍ଲାମିକ୍ ରିଭୋଲ୍ୟୁସ୍ନାରି ଗାର୍ଡ କର୍ପସ୍’ କହିଛି ଯେ, ଡ୍ରୋନ୍ ଓ କ୍ଷେପଣାସ୍ତ୍ର ନିକ୍ଷେପ କରି ବାଲୋଚିସ୍ତାନ ପ୍ରଦେଶରେ ଥିବା ‘ଜୈଶ୍ ଉଲ୍-ଉଦଲ୍’ର ଦୁଇଟି ଆଡ଼ାକୁ ଧ୍ବଂସ କରିଦିଆଯାଇଛି। ସବଜ୍ ଅଞ୍ଚଳରେ ‘ଜୈଶ୍ ଉଲ୍-ଉଦଲ୍’ର ଯେଉଁ ଆଡ଼ା ଉପରେ ଆକ୍ରମଣ କରାଯାଇଛି ତାହା ସେ ଆତଙ୍କବାଦୀ ସଙ୍ଗଠନର ସବୁଠୁ ବଡ଼ ଆଡ଼ାଗୁଡ଼ିକ ମଧ୍ୟରୁ ଗୋଟିଏ। କ୍ଷେପଣାସ୍ତ୍ର ଓ ଡ୍ରୋନ୍ ଆକ୍ରମଣରେ ସେଗୁଡ଼ିକୁ ଧ୍ବଂସ କରିଦିଆଯାଇଛି।ଏହି ଆକ୍ରମଣ ଯୋଗୁଁ ଦୁଇଜଣ ନିର୍ଦ୍ଦୋଷ ପିଲାଙ୍କର ମୃତ୍ୟୁ ଘଟିଛି ଓ ତିନିଜଣ ଝିଅ ଆହତ ହୋଇଛନ୍ତି। ପରିଣାମ ଆହୁରି ସାଙ୍ଘାତିକ ହେବାର ସମ୍ଭାବନା ଥିବା ଏହି ଘଟଣା ସମ୍ପୂର୍ଣ୍ଣ ଅଗ୍ରହଣୀୟ।
[ad_2]
