[ad_1]
କଟକ: ଶ୍ରୀଜଗନ୍ନାଥଙ୍କ ରତ୍ନଭଣ୍ଡାର ଚାବି ହଜିବା ଓ ତଦନ୍ତ କମିଶନଙ୍କ ରିପୋର୍ଟ ସାର୍ବଜନୀନ କରିବା ପାଇଁ ରୁଜୁ ମାମଲାରେ ଆଜି ରାଜ୍ୟ ସରକାର ଜବାବ ଦାଖଲ କରିବାକୁ ମହଲତ ନେଇଛନ୍ତି । ମାମଲାର ଶୁଣାଣିବେଳେ ସତ୍ୟପାଠ ଦାଖଲ କରିବା ପାଇଁ ରାଜ୍ୟ ସରକାର ସମୟ ଲୋଡିଥିଲେ । ଅଦାଲତ ଏହାର ଶୁଣାଣ କରି ରାଜ୍ୟ ସରକାରଙ୍କ ଆବେଦନକୁ ଗ୍ରହଣ କରିଛନ୍ତି ।
ଆବେଦନକାରୀ ଦିଲ୍ଲୀପ୍ ବରାଳଙ୍କ ପକ୍ଷରୁ ଆଗତ ଆବେଦନର ଶୁଣାଣି କରି ହାଇକୋର୍ଟ ଉପରୋକ୍ତ ଆଦେଶ ପ୍ରଦାନ କରିଛନ୍ତି । ପୂର୍ବରୁ ମାମଲାର ଶୁଣାଣି କରି ଏହାର ସ୍ଥିତି ସମ୍ପର୍କରେ ଅବଗତ କରାଇବାକୁ ହାଇକୋର୍ଟ ସରକାରଙ୍କୁ ଆଦେଶ ଦେଇଥିଲେ । ଗତ ଡିସେମ୍ବର ୧ ତାରିଖରେ ମାମଲାର ଶୁଣାଣିବେଳେ ରାଜ୍ୟ ସରକାର ତଥ୍ୟ ଦାଖଲ କରିବାକୁ ସମୟ ନେଇଥିଲେ । ସୂଚନାଥାଉକି ରତ୍ନଭଣ୍ଡାର ଚାବି ହଜିବା ଘଟଣାରେ ତଦନ୍ତ କମିଶନଙ୍କ ରିପୋର୍ଟ କାହିିଁକି ସାର୍ବଜନୀନ କାହିିଁକି କରାଯାଉନାହିିଁ ବୋଲି ଦର୍ଶାଇ ଆବେଦନକାରୀ ହାଇକୋର୍ଟରେ ମାମଲା ରୁଜୁ କରିଥିଲେ ।
ଏଥିରେ କୁହାଯାଇଥିଲା ଯେ ତଦନ୍ତ କମିଶନଙ୍କ ରିପୋର୍ଟରେ କି କି ତଥ୍ୟ ରହିଛି ସେ ସମ୍ପର୍କରେ ସାଧାରଣ ଲୋକଙ୍କର ଅଧିକାର ରହିଛି । କମିଶନ ନିମନ୍ତେ ଏଥିପାଇଁ ସରକାରୀ ରାଜ କୋଷରୁ ଅର୍ଥ ବିନିଯୋଗ ହୋଇଛି । ଏପରି କ୍ଷେତ୍ରରେ ରାଜ୍ୟ ସରକାର କଣ ପାଇଁ କମିଶନଙ୍କ ରିପୋର୍ଟକୁ ସାର୍ବଜନୀନ କରୁନାହାଁନ୍ତି ବୋଲି ମାମଲାରେ ଦର୍ଶାଯାଇଥିଲା ।
[ad_2]
