[ad_1]
କଟକ: ବାରବାଟୀ ଷ୍ଟାଡିୟମ୍ରେ ଓଡ଼ିଶା ଓ ପୁଡୁଚେରୀ ମଧ୍ୟରେ ଚାଲିଥିବା ରଣଜୀ ଟ୍ରଫି ମୁକାବିଲା ରୋମାଞ୍ଚକର ସ୍ଥିତିରେ ରହିଛି । ଘରୋଇ ଦଳ ମ୍ୟାଚ୍କୁ ନିୟନ୍ତ୍ରଣରେ ରଖିଛି । ଦୁଇ ଅଭିଜ୍ଞ ବ୍ୟାଟର ଗୋବିନ୍ଦ ପୋଦ୍ଦାର ଓ ବିପ୍ଳବ ସାମନ୍ତରାୟଙ୍କ ଅର୍ଦ୍ଧଶତକ ସାଙ୍ଗକୁ ଯୁବ ଖେଳାଳିଙ୍କ ଉପଯୋଗୀ ବ୍ୟାଟିଂ ବଳରେ ଓଡ଼ିଶା ପ୍ରଥମ ଇନିଂସ୍ରେ ସମସ୍ତ ୱିକେଟ୍ ହରାଇ ୩୨୨ରନ୍ ସଂଗ୍ରହ କରିଛି । ଜବାବରେ ପୁଡୁଚେରୀ ପ୍ରଥମ ଇନିଂସ୍ ୪ ୱିକେଟ୍ ହରାଇ ୧୨୭ରନ୍ ସଂଗ୍ରହ କରିଛି । ଦ୍ୱିତୀୟ ଦିବସ ଷ୍ଟମ୍ପ ଅପସାରଣ ସୁଦ୍ଧା ଅଧିନାୟକ ଅରୁଣ କାର୍ତ୍ତିକ ୭୭ ରନ୍ ଓ ଫାବିଦ୍ ଅହମ୍ମଦ ୩୧ ରନ୍ କରି ଅପରାଜିତ ଅଛନ୍ତି ।
ବିପ୍ଳବଙ୍କ ଦାୟିତ୍ୱପୂର୍ଣ୍ଣ ବ୍ୟାଟିଂ ପରେ ପେସ୍ ବୋଲର ରାଜେଶ ମହାନ୍ତି ପୁଡ଼ୁଚେରୀର ପ୍ରାରମ୍ଭିକ ବିପର୍ଯ୍ୟୟ ଘଟାଇଥିଲେ । ସେ ୨ଟି ୱିକେଟ୍ ନେଇ ୧୩ତମ ଓଡ଼ିଶା ବୋଲର ଭାବେ ସେ ପ୍ରଥମ ଶ୍ରେଣୀ କ୍ରିକେଟରେ ୧୦୦ ୱିକେଟ୍ ପୂରଣ କରିଥିଲେ । ମାତ୍ର ୨୪ଟି ମ୍ୟାଚରୁ ୧୦୦ ୱିକେଟ୍ ପୂରଣ କରି ରାଜେଶ ଓଡ଼ିଶାର ଦ୍ରୁତତମ ସାବ୍ୟସ୍ତ ହୋଇଥିଲେ ।
[ad_2]
