[ad_1]
ଢେଙ୍କାନାଳ: ଜଣେ କଲେଜ ଛାତ୍ରୀ ଟ୍ୟୁସନ୍କୁ ଆସି ଘରକୁ ଫେରିନଥିଲେ । ପରେ ତାଙ୍କ ମୃତଦେହକୁ ଏକ ଜଙ୍ଗଲରୁ ଠାବ କରାଯାଇଛି । ପାରିପାଶ୍ୱର୍ିକ ଅବସ୍ଥାରୁ ଉକ୍ତ କଲେଜ ଛାତ୍ରୀଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଢେଙ୍କାନାଳ ମହିଳା ମହାବିଦ୍ୟାଳୟ +୨ ବିଜ୍ଞାନର ପ୍ରଥମ ବର୍ଷର ଛାତ୍ରୀ ତଥା ଢେଙ୍କାନାଳ ସଦର ଥାନା ଅନ୍ତର୍ଗତ ମଙ୍ଗଳପୁର ପଞ୍ଚାୟତର ମଜୁରୀ ଛକ ଅଞ୍ଚଳର ଜଳନ୍ଧର ସାହୁଙ୍କ ଝିଅ ଜସ୍ମିନ ସାହୁ । ସେ ଗତକାଲି ଅପରାହ୍ନ ୨ଟାରେ ଢେଙ୍କାନାଳ ସହରର କୁଞ୍ଜକାନ୍ତ ସ୍ଥିତ ଏକ ଘରୋଇ କୋଚିଂ ସେଣ୍ଟରକୁ ଟ୍ୟୁସନ ପାଇଁ ଆସିଥିଲେ । କିନ୍ତୁ ସନ୍ଧ୍ୟା ପ୍ରାୟ ୫ଟା ୪୦ରେ କ୍ଲାସ ଶେଷ ହେବା ପରେ ସେ ଘର ଅଭିମୁଖେ ବାହାରିଥିଲେ । ହେଲେ ସେ ଘରେ ପହଞ୍ଚି ନଥିଲେ । ଜସ୍ମିନ ଘରକୁ ନ ଫେରିବାରୁ ତାଙ୍କ ବାପା ସନ୍ଧ୍ୟା ୬ଟା ୨୦ରେ ଢେଙ୍କାନାଳକୁ ଝିଅକୁ ଖୋଜିବା ପାଇଁ ବାହାରିଥିଲେ । ହେଲେ ବାଟରେ କେଉଁଠି ବି ଝିଅକୁ ଦେଖିନଥିଲେ । ତା’ ପରେ ସେ କୋଚିଂ ସେଣ୍ଟର୍ ମାଲିକଙ୍କୁ ଫୋନ୍ କରିଥିଲେ । କୋଚିଂ ସେଣ୍ଟର୍ ମାଲିକ, ଝିଅର ବାପା ଓ ଆଉ ଦୁଇ ଜଣ ବ୍ୟକ୍ତି ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ । ରାତି ୧୦ଟା ସୁଦ୍ଧା ସେମାନେ ଜସ୍ମିନଙ୍କୁ ଖୋଜି ନପାଇବା ପରେ ଟାଉନ୍ ଥାନାରେ ଅଭିଯୋଗ କରିଥିଲେ । ଶୁକ୍ରବାର ଅପରାହ୍ନ ୧ଟା ବେଳେ ଘରଠାରୁ ଅଳ୍ପଦୁରରେ ଥିବା ଜଙ୍ଗଲରୁ ଜସ୍ମିନଙ୍କ ମୃତଦେହ ପଡ଼ିଥିବାର ଠାବ କରି ପୁଲିସକୁ ଖବର ଦେଇଥିଲେ । ମୃତ ଛାତ୍ରୀ ଜଣଙ୍କ ଜଙ୍ଗଲରେ ମୁହଁମାଡ଼ି ତଳେ ପଡ଼ିଥିବାବେଳେ ପାଖରେ ଏକ ପଥର ପଡ଼ିଥିଲା । ପଥରରେ ରକ୍ତ ଛିଟା ଲାଗିଥିଲା । ସେହିପରି ମୃତଦେହ ଅଳ୍ପଦୁରରେ ବ୍ୟାଗ୍, ଜୋତା ଓ ଓଢ଼ଣୀ ପଡ଼ିଥିଲା । ପାରିପାଶ୍ୱର୍ିକ ସ୍ଥିତିକୁ ଦେଖିଲେ ତାଙ୍କୁ ହତ୍ୟା କରାଯାଇଥିବା ଅନୁମାନ କରାଯାଉଛି । ତେବେ ପୁଲିସ ଓ ସାଇଣ୍ଟିଫିକ୍ ଟିମ୍ ଘଟଣାସ୍ଥଳ ଯାଞ୍ଚ କରି ପ୍ରାଥମିକ ତଦନ୍ତ ଚଳାଇଛି । ତଦନ୍ତ ପରେ ଘଟଣାର ସତ୍ୟାସତ୍ୟ ଜଣାପଡ଼ିବ ବୋଲି ପୁଲିସ ସୂତ୍ରରୁ ପ୍ରକାଶ ।
[ad_2]
